فصله

تــحـــــــــــــــــــــــــــــــديــــــــــــــــث

آخر الصفحه

قولوا مبرووووك

لحظه لحظه .. حمّووووود

مايوهي

لا اتحرك وقّف وقّف

لاااااااااااااااااااااااااا

---- يا ابن ال

:)

_____________

ايك منيت بي .. توم ني مألوم كيداروو فووت بوول

اواز ماث كاروو .. سونا مني كيا كاها

توم بووت بودمااش

<<>><<>>

الترجمه: تباً لك .. يا ابن الحفـــّـــافه

سأوسعك ضرباً

انت وايد غبي

تبي اسحب وزارك الحين وافشلك جدام الشباب

:)

_________

الله لا يحرمني من كرشك حبيبي

لوووووووووول

..

يالله هذا بوست وناسه

منو عنده تعليقات

ايوريني ويهه

كتبو اللي بخاطركم

______________

تتمة التحديث

اول شي خلونا نبارك حق

HAMDOOL

لاختراقه كل الاعراف والمواثيق والمعاهدات والنظم والاسس والخطط والمشاريع والشروط بتحديه الزمن واختصاره للمسافات وتحقيقه للي محد حققه للحين اللهم لا حسد

HAMDOOL

طاف ال 117 كومنت

خلال 3 ايام فقط

:)

لووووووووووووووووووول

متى بتحس

متى بتحس !! كلمه طلعت من قلب انسانه هلكها القدر

قالتها من بعد سنين ضيعتهم من عمرها .. تحملت وشافت الضيم فيها

ضاعت احلى ايام شبابها .. كانت لوحة جميله رسمها رسام بأحساسه

المسكينه فز قلبها لشخص كان سبب في تحطيمها

حبته بالوقت اللي كان فيه اكبر همّه انه يبني له اسم لامع .. لانه طموحه كان اكبر من لحظه

يقول فيها لحبيبته .. احبج

وكان اهتمامه بالناس وشلون يتواصل معاهم أهم

من دقيقه يلم فيها ام عياله بالليل وهي نايمه .. او يبوس راسها

..

متى بتحس .. قالتها كل دمعه نزلت من عينها

متى بتحس .. قالتها في كل مره تركها واهي محتاجته

متى بتحس .. قالتها بحسره في كل عيد زواج يطوف بدون ما يتذّكر

متى بتحس .. قالتها في كل مناسبه كان يتجاهلها

..

مالقت من يسمعها

الشي الوحيد اللي عايشه عشانه

عيالها

وصديقه حقوده

تحاول تنهي ما بقى لها من احترام

يا حسافه عليها

مصير الحي يتلاقى

كل شي ممكن يتغير بهالدنيا .. الا اشياء صغيره يمكن ما نحس فيها الا لما ننحط بأختبار عادتا ما نكون متأهبين له

مثل رجعتنا للوطن من بعد غربه

نلاقي الاشياء تغيرت والشوارع اختلفت والمباني اكثرت

ولكن الحنين اهو اهو ما يتغير .. يمكن يصير اكثر

..

بعد 11 سنه

من سنة 1996

من ايام الشاليهات .. كنّا نتيمع كلنا مع الربع دقدقه وشوي ووناسه

صج يمعت الربع ما تتعوض

السالفه كلها واللي ابي اوصلها لكم

تبدي من الشاليه اللي يمنا :) طبعا انتو فاهميني عدل

كانت عندهم بنيه جميله وناعمه .. كانت بالنسبه لنا حلم

الكل وده بس لو تقول له : لوسمحت

في كل اجازه كان اكبر همنا انها تكون موجوده

شباب وتدرون طموحين

لووووووووووووووووووول

يت الايام وراحت الايام

واحنا كل اسبوع معششين بالشاليه

بس اللي صار انه في اسبوع من الاسابيع ما رحنا

بهالاسبوع بالذات كانت الكارثه

حزّت العصاري كانو كل الناس يتمشون بالشارع اللي قبال الشاليهات

تمشي وفراره وسياكل وعاد انتو تخيلو الوضع

اللي صار ان واحد من المستهترين كان قاعد يستعرض بسيارته

وفقد السيطره عليها ويقوم يدعم هذي البنت مع بنت خالتها

وتسبب بوفاة بنت الخاله بنفس الوقت .. والبنيه اللي اتكلم عنها دخلت عنايه فائقه

وتدخل في غيبوبه لاكثر من 3 شهور

وعقبها راحت في رحلة علاج لي المانيا واستمر علاجها لي اكثر من 3 سنوات

من 1996 وهذي البنيه اسم الله عليها ما تغير ويهّا

بس انترست المسكينه وايد من الكورتيزون

..

يوم الثلاثاء اللي طاف دخلت مستشفى هادي بالليل

والا القاها بويهي :) والله ما اقدر اوصف شعوري لكم

بس حسيت انه ودي اسلّم عليها

استانست لما لقيتها تبتسم بويهي !! كأنها عرفتني

كنت بالشاليه اكثر واحد يغني بالليل

تدرون يقولون صوتي حلو

حتى سألو فراوله

:)

كلنا نستانس لما نشوف ناس صدفه كانت تجمعنا معاهم ذكرى

سوى بالدراسه والا بالسفر

انا عن نفسي احب هالمواقف

صج

الكويت صغيره

ومصير الحي يتلاقى

صفحه جديده

تبيني اطوي هالصفحه

وابدي بصفحه جديده

وانسى كل آلامي

يا إنه احلامك بعيده

..

نطرت كثير هاللحظه

ودريت انه بترديلي

غريبه شلون تبين ارضى

تطفّي شموعي بليلي

..

نسيتي يوم انا جيتك

وقلتيلي كلام قاسي

واذا كنتي نسيتي جد

تراني ماني بناسي

..

حلفتي كذب

براسي

وتبين ارضى

حشى مرضى

خلاص اتغيّر احساسي

خلاص اتغيّر احساسي

منـــــــــــــاف نــــــــــــــذر

مــــنـــافـــــيّــــات

سلام

..

اكيد بتسألون شنو يعني منافيّات

مو محتاجه ذكاء الله يهداكم

شي منوّع انا اخترته على ذوقي وابي اهديكم اياه

بحاول اعوضكم عن اللي فاتكم

وبجد لانكم شاغلين كل تفكيري .. قلت خل اسوي هالكوكتيل وعساه يعجبكم

..

تخيلو معاي انكم قاعدين تقرون مجله تخصني .. او برنامج انا اقدمه

وعيشو الحياه

:)
_______________

ليش آنا

دايما نسأل روحنا لما يصير لنا موقف مؤلم - محرج من بد الناس هالسؤال

اشمعنه آنا .. البطه السوده

وايد تصير معاي هالشغله .. خاصتا مع الربع لما نكون بسفر بالشاليه بأي مكان

اذا في احد بيتعور .. انا .. بنلعب كوت اللي يشيل انا .. اللي بيوزع انا

______

كنت في اسطبل في دبي انا مع الربع بنركب خيل.. باختصار بعد ما اخترنا الخيول انا خذيت وحده من ملوت لعبة البولو اكيد تعرفونها .. المهم السايس سألني تعرفلها !! جاوبت بثقه .. طبعا انا خيّال من صغري !! ماسوت علي

الربع قاعد يكلمون الهندي عشان يفتح لنا المضمار الكبير .. واخوكم مناف دش المضمار الصغير عشان يكنتر

تدرون شنو يعني اكنتر ؟؟ هذا مصطلح معناه اني اهرول بالخيل او اليّقها .. المراد دخلت المضمار والا اتدش وراي سيارة المشط اللي يحرثون فيها الارض تخيلو شكلها .. من دشت السياره وسكّرت المدخل مال المضمار !! الخيل اللي عندي ينّت .. يا بنت الناس يهديج يرضيج .. ماكو فايده .. ما وعيت الا وهذي تدبتش فيني ناحية المشط مال السياره اللي عادتا يكون بذيل السياره !! شوفو اهو مو رفيع بس فكرة انها بتخطر المشط وانا راكب فوقها .. لااااااا .. هذي يبيلها اعادة نظر :) والله وسوّت اللي في بالها .. المهم اخوكم مناف فقد السيطره عليها وصار نص جسمي جنب وجزء من ريولي اللي فوق الخيل !! موقف لا احسد عليه الصراحه .. في عاده عند الخيول انها من تدري انه الفارس او الخيّال اللي فوقها مو متمكن منها .. لازم اتطيحه :( قمت وسحبت اللجام حيل عشان توقف .. مالكم امل !! وصّلت رقبتها لي صدري .. ماكوفايده .. ما وعيت الا وهي مجبله على المظلات او العشيش ملوتهم وتخيلو انها اهي تقدر تطوف وانا راح يضرب صدري بالمظله .. حسيتو فيني .. فما كان عندي حل الا اني اشوح عمري منها !! وبالفعل شحت عمري جان انرض لكم رضّه بالارض وآكل كل التراب والثيل اللي موجود بالاسطبل :) عاد مكان طيحتي من كثر ما مسحت الارض .. بنو اوتيل الحين لووووووووووول

كانت هذي وحده من السوالف والباجي اقول لكم اياه مع الوقت

ألف لا باس علي

____________________

مقطع من اغنيه

اخترت لكم هالمقطع من عبدالمجيد عبدالله

الله واكبر عليهم

ما ريّحوني بحبك

قالو وعادو بحكيهم

قسّو على قلبي قلبك

ما ريّحوني

..

يا دوبنا ما عشقنا

واغليتني وانت غالي

يا للأسف افترقنا

واحنا بأول ليالي

ما ريّحوني

__________________

كويز - يعني اختبار قصير

كل واحد فيكم يطلع ورقه وقلم ويستعد لهالسؤال اللي بعطيكم اياه الحين

للي راحو فيكم فلم - مطب صناعي

:)

س1- ما نوع الكيس الذي وضع فيه الفنان احمد حلمي بطاقته الشخصيه

لووووووووووووووووووووووووووول

______________

حكمه اعجبتني

حجم المنزل .. ماله علاقه بسعادة اصحابه

_________________

نداء لمشعل العرّوج

للي فيكم يعرف وين ارضه

انا معطيك الكلمات مو عشان تنام عليهم

بقول لكم مطلع الاغنيه اللي سميتها

دبلتين

....

بعد ما شرينا دبلتين

يبقون لي ذكرى

تذكر يوم وصّلتني

وقلت الوعد بكره

هذي سنه

مرّت سنه

وما بقى من حبنا

غير دبلتين

____________

رساله لامرأة

..

مكانج فاضي

احلى شي بالدنيا : حب الناس

اكره شي بالدنيا : عداوتهم

____________

اهداء لشذر والماس

اتبسمي

اتبسّمي
خلّي الفرح الوان
تملي مرسمي
اتبسّمي
ياللي سرى حبك
في شرياني ودَمي
اتبسّمي
..
خليني لحظه اسألك
لازلتي فيني تحلمي
اتبسّمي
قولي أحبّك واندمي
..
وان كان خوفك يمنعك
خلّك ورى ظهري احتمي
اتبسّمي
..
قولي اللي قلبك يرفضه
واملي الفضا
خلّيني اعاملك برضى
وبوسط صدري ارتمي
اتبسّمي
..
كوني لي نهر من العسل
واروي لي احساسي وفمي
اتبسّمي
يا رب ليّا تسلمي
اتبسّمي
..
قولي احبّك مرّه
يالله اتكلمي
او تمتمي
اتبسّمي
خلّي الفرح الوان
تملي عالمي
وخلّيني لحظه اسألك
لازلتي فيني تحلمي
اتبسّمي
قولي احبّك واندمي
قولي احبّك واندمي
قولي احبّك واندمي
اتبسّمي
..


منــــــــــــــاف نـــــــــــــــذر

يالله الحين مالكم عذر

وّرووني تعليقاتكم

:)

اسمحولي

اسمحولي ان احييكم على هذا الوصال

وكل شي لجل ابتسامه من محيّاكم يهون

اللي جد يعجبني فيكم ما تعرفون المحال

والامل والابتسامه اهما كل اللي تبون

ادري عنّاكم تعبكم وادري ان البعد طال

لكن ادري رحمة الله وين ما كنتو بتكون

قمت اشبّه عزمكم وحبكّم مثل الرمال

وعادت الرمل ان تجمّع يبهر بجد العيون

ربي يحفظكم ويرزقكم من الرزق الحلال

ويستجيب لكل دعاكم كثر منتو تطلبون

اسمحولي ان احييكم وارفع هالعقال

لو ما انتو ما رجعت .. واغفرو ذنبي اموون

اخوكم مناف نذر

بجد احب اشكر هالناس اللي كانت سبب رجعتي

hamdool

برّاك

كله مطقوق

زوزوتا

شيماء

فراوله

روح

مجنونه

جنون احساس

........

واكيد لكل انسان احزنه خبر اغلاق مدونتي

للجميع اقول

انا رجعت

:)