تحديث اجباري
17.09.2007
HAMDOOL
كل عام وانت بخير
وعسى عمرك كثر كومنتات زوّارك
:)
مبارك عليكم الشهر
وعساه يكون شهر خير ورحمه وبركه عليكم كلكم
يا الغالين
عندنا فرصه ثمينه نتصالح فيها مع انفسنا
ومع كل من كان على خلاف معانا
ونبدأها بأهالينا والقراب منّا
عشان تتصافى النفوس
ونعيش حياة نكون راضين فيها عن نفسنا
ويكون ربنا راضي عنّا
_________________________________
هالعاده بأذن الله راح اقطعها
وبرجع حق رياضتي
بس صار فيني لازم ارد جسمي
مثل ما كان واحسن
اذا شفتو واحد طول رمضان بس يمشي بالكويت
لا تقولون عنه مينون
ترى هذا انا
:)
_____________________________
هذي الصوره في مطعم نينو مع خالد البريكي والمخرج أحمد دشتي
واللي مصورنا واحد من الويتريّه
حدّه يشابه عادل رويشد
:)
معلومه فنيه عني
يمكن البعض قرا في بعض الصحف
انه مقدمة مسلسل
بلاغ للرأي العام
واللي اهو من بطولة
منصور المنصور
محمد المنصور
حسين المنصور
خالد البريكي
خالد امين
فيصل الرشيد
عبدالله الزيد
من كلماتي وألحان نواف البناي
هذا الكلام صحيح
لكن تم سحب الاغنيه
بعد ما ان قمنا بتنفيذها بالقاهره
لأسباب خاصه
لذا اقتضى التنويه
والاغنيه الحاليه
ليست من كلماتي
___________________________
بكل اسى اترحم على ارواح هالشباب
حمود صلاح البرجس 17 سنه
يوسف طلال النفيسي 17 سنه
عبدالله فواز الفضل 17 سنه
اللي راحوا قبل لا يدخل علينا الشهر الفضيل
ولأنهم اصدقاء اخوي الصغير عارف
ماقول غير الله يصبّر قلوب اهاليهم
ويلهمهم السلوان
وعساها آخر الاحزان
اللهم انك قريبٌ سميعٌ مجيب
لا حول ولا قوة الا بالله
___________________________
نصيحه يالغاليين
هالساعه اللي بتجابلون فيها النت
استغلوها بقراءة كتاب الله
افيد
ونصيحه لأخواتي البنات
اهتمو بثيابكم
وبحشمتكم في هالشهر
عشان لا تجرحون صيامكم
وصيام من حولكم
ونصيحه لاخواني الشباب
العقل والثقل تراهم اقوم وافيد
يا مصلين التراويح
ويا من تنطرون العشر الاواخر
بلهفه وشوق
لا تنسونا بالدعاء
..
هنيالكم
وتقبل الله صيامكم وقيامكم يا رب
وعدنا بعد رمضان ان الله احيانا
تطيب لكم ارواحكم
وتطيب روحي يا رب
مناف نذر
32 comments:
مناف
حده يزاك االله خير
هذا من غير مجامله احلى بوست للتهنئه برمضان
:)
الله يبارك لنا بايامه ويعينا على الطاعه يارب والله يرحمهم ويرحم جميع اموات المسلمين انفطر قلبي عليهم وعلى اهلهم
الله يعينهم يارب
استمتع جداً بالبوست صراحه =D
الله يعود عليك هالشهر سنين عديده ان شاء الله
والله يرحم الشبيبه ويصبّر قلوب اهلهم
والله يحفظ شبابنا المسلم بكل مكان يارب
يااسلاام على الصوره.. ما شاء الله عليك
سنافي ربي يحفظك ويثبتك ^_*
يوم سعيد مناف (F)
3lena oo 3leek
wnshalah tg63 eltd5en wtrd mthl gbl
oo alah yr7mhm el 3 of them wyshafe rab3hm
خووش بوست بصراحة
,اهم شي نصيحتك للبنات والشباب
صراحة من أجمل النصايح وأتمنى يتبعونها برمضان وغيره :)
وياارب تبطل هالعادة وتحافظ على صحتك ولياقتك بعد :)
اي اي امش امش أشوه الجو بده يتعدل ، فرصتك
أما الشباب اللي توفوا ، بصراحة حزن قلبي عليهم مع إني ما اعرفهم
شفت اساميهم بالجريدة وعورني قلبي
ربي يصبر أهاليهم ويرحمهم ويغمد روحهم الجنة
وصورة خالد البريكي ، ياربي حده عجيب ، أستانس على هالممثل حييل
ومبارك عليك الشهر يا اخوي
كل عام و انت بخير
ضعفني وياك يا معود
حصريا لأغلي الناس ,مبارك عليك الشهر وانشاءالله يبلغنا هذا الشهر بالغفران والعتق من النار ويدخلنا جنات النعيم,وربي انشاءالله ربي يسخر لك كل ما تتمناه ويشرح صدرك ,ويبعد عنك كل هم وكل شر آمييين.
ومبارك عليك الشهر
---------------------------------
انشاءالله بعزمك وارادتك تقطع السجائر
,ومايخلص رمضان الا جسمك رجع أحسن من قبل.
أي ممشي تمشي؟؟؟
----------------------------------
حسافة علي سحب الأغنية؟؟!!!!
عيل متي نقدر نسمعها؟؟؟
----------------------------------
الله يرحمهم ويرحمنا جميعا ويصبر أهلهم,ويهدي جميع الشباب ويبطلوون من السرعة الجنونية.
---------------------------------
الله يجزاك خير علي هالنصايح,وانشاءالله دعواتنا لك بالتراويح والقيام,والله يتقبل انشاءالله.
---------------------------------
ma gasart ya manaf sij sij eyanin il post, ra7 taksib feeh ajir inshallah .. o min hal post bagolek kel 3am winta ib khair o imbarak 3alaik il shahhar
o 3asa allah yer7amhom ib ra7meta ili twafaw, o yer7am jame3 il muslemeen enshallah:(
thanks again
كل عام وانت بالف خير يامناف
ومبارك عليك الشهر انشالله
حبيت كل كلمه ذكرتها وكل حرف
فعلا هالشهر الفضيل ماهو الا
فرصه لتصافي النفوس..والحمد الله عني انا
مابقلبي شي عن اي شخص
والي غلط ربي يسامحه:)
عسى الله يوفقنا وياك على طاعه الرحمن
والله يرحم الشباب الصغار
فعلا شي يعور القلب....الله يصبر اهاليهم
ووسع منازلهم ..
مبارك عليك الشهر وعساك من عواده
وان شاء الله تقطع هالعادة حتى بعد رمضان
ربي يوفقك
مبارك عليك الشهر وتقبل الله صيامك
:::
والله يرحمهم يارب ويغفر لهم هم وجميع موتى المسلمين والمسلمات
:::
وياعيني على اللى كانوا بنينو
:::
وماوصيك امش لان المشي رياضه حلوه
:::
يارب تصفى النوايا والحلو بهالشهر صله الرحم ترد من يديد
:::
وعن نفسي وقت قليل للانترنت وباقي الوقت لبقيه ماساقرم بعمله
فعلا علينا ان لانجلس كثيرا امام هذه الشاشه وان نستغل وقتنا
ولا تنسى ذكر الله
والصوم عن الحرام
والإكثار من فعل الخير
وقراءة القرآن
كل عام و انتم بخير ..
الله يرحمهم و يغمد روحهم الجنه و يثبت قلوب اباءهم و امهاتهم ...
حادث محزن صراحه
مبارك عليك الشهر
و جزاك الله الف خير على هالكلمات
من أول حرف
لي توقيعك
lovely
مبارك عليك الشهر
والله يصبر أهالي الشباب
لأن واحد منهم يصير حق القطامي
رحت العزا وحالتهم حاله المساكين
الله يحفظ كل أهلكم وأهلنا
ويحفظكم لهم ولا تشوفون
مكـــــروه بعزيز
بوست رائع مثل صاحبه
وخالد إنسان نظيف ماكو مثله
ومن عرفته ما شفت منه موقف سلبي
بس مره ثانيه إخذوني معاكم
شدعوه من زمان مو عازمني يا مناف
nice picture though ..
bs seems bel winter
w ent 7a6ha bel 7arrr bet7erna!
أما على سالفة الرياضه يا مناف
لو آنا منك حتى الدوام أروح له مشي
و مو بعيده تلقاني مار يمك بالقاري
إترك عنك الجقاير ترى ما منها فايده
خلني آخذ ثواب لا تستكثره علي
صدقني بيتكم راح يكون جوه نقي
وخلها بالمناسبات بس
والا أقول لك لأ لأ
إنت مناسباتك وايده
خل إرادتك قويه
وهالشهر لك فرصه ثانيه
ماكو وقفة سلالم بالدوام
ومن عقب الفطور لي بحدود 11 ساعه
شد حيلك
كل عاام وانت بخييير
o happy ramadaan
friend
و الله يرحمهم الي توفو و عفيه ادعو حق رفيجهم الي باقي بالمستشفى بعد
الله يصبر اهلهم و يساعدهم و يمسح على قلبهم
سلم على
spain
و قوله مبارك عليك الشهر و حمدالله على السالمه لوول
T.C friend
salamz....
mbarak 3alaik el shahar o 3asak min el 3aydeeen :)
perfect post
الله يرحم هالشباب ويصبر قلوب اهاليهم
ربي يتقبل طاعتكم جميعا
وعساكم من العايدين
مبارك عليك الشهر يالحلو
وشد حيلك انا طايحله كرة
:)
مبارك علينا وعليك
وعساك من عواده
----------------------
ان شاء الله تقطعها
عاد صج في يمشي برمضان وغير رمضان يقولون عنه مينون
لايكون بس انته...
--------------------------
يلا معلش تتعوض الاغنيه بمسلسل ثاني
السنه اليايه
----------------------------
الله يرحمهم برحمته
ويكون بعون اهاليهم
لاحول ولاقوة الا بالله
---------------------------
شكرا على النصيحه
وعلى فكره في بنات اهم عناد يلبسون
ملابس اعوذ بالله منها
وتلاقيهم العصاري عالبحر
وحتى الشباب مو مقصرين قز و زقاير
مو مقصرين
الله يهدي الجميع
كل سنة وانتم طيب
جيت بس اقول كدة
مبارك عليك الشهر
مشكور على كلامك الطيب
مبارك عليك الباقي من الشهر :)
مساالورد لاحلا واغلا ورد
منوووفي الغالي
عساك من عواده وجواده انت واسرتك الكريمة
وكل من تحب وتود
آمين
وعسانا علي عهد المحبه والاخوة باقين يالغالي
دمت باحلا واغلا ورد
ياسادس اخواني
:)
كل سنة يا
hamdool
وانت طيب
Happy Birthday
happy birthdaay lool kel 3amo ohowaa b5eeer
و كل سنه وهوا طيب ياارب
salam friend...
وإنت بخيــــر وصحه وسلامه
ويا رب عمر طويل لكل أهلك
وحبايبك واللي يعزون عليك
مشكور وايد أخوي مناف
بس ليـــــش إجباري!؟
والله أخو عزيز وأهــــــــلك أهلي
والكل أخوان وخوات ما قصـــرتوا
والله يحفظ الكل ويسعدكم طول العمر
ملاحظه:
هالدعوه ما تشمل الأنونيموس
اللي سبحان الله عرفت من يطلعون
وترى ما وراهم إلا المشاكل
وعوار الراس ولي تصرف ثاني معاهم
خوش كلام وخوش مدونه وخوش صور وخوش مناف
:)
كل عام واننت بخير
ومبارك عليك باجي الشهر
وكلنا نقول وبصوت واحد
كل عام وانت بخير ياهمدووول
ويارب تكبر وتصير همدووول المعمر
سوري أخوي مناف مقصره واااايد
أولا كل عام وأنت بألف صحة وسلامه والعمر كله لك بإذن الله مع بيتك وأهلك وربعك
.......
مبارك عليك مابقى من الشهر
والله يهدينا ويصلح بالنا ونقيم ماتبقى منه بالي فيه الصالح لدنيانا وأخرتنا
.......
بوستاتك الي طافتني قمة وعجبتني البنت اللبنانيه :) فكره حلوه وخفيفه بخفة لهجتهم
كل عام و انت بخيير حمدوول ( تاريخ ميلادك نفس ميلاد اخوي) بس مسكيين ما عايدت عليه
---
الله يرحم الشباب و يجعل مثواهم الجنه
----
تسلم على هالنصايح يا منااف :)
يجزاك كل خيير
و انت لا تنسانا من الدعاء
كثير مشكور على هالبوست
ومبارك عليك الشهر
الله يرحمهم ويرحم موتانا وموتى المسلمين
وجزاك الله كثير الجزاء
على هالنصائح الذهبيه
مبارك عليك باقي الشهر مناف
عورني قلبي على هالشباب :(
الله يصبر أهلهم, هذول أصدقاء أخوي بعد
آنا بعد هالأيام أمشي عقب التراويح
بصراحة وايد ارتاح خصوصاً الجو هالأيام متعدل
بالتوفيج مناف
Very nice post :)
مبارك عليك ما بقى من الشهر
Post a Comment