3.09.2007
قبل 31 سنه من اليوم
كان ميلاد
مناف نذر
اللي اهو انا
:)
_________
حياتي اشبه بالمطار
في كل مرحله مريت فيها
استقبلت ناس
وودعت ناس
__________
دايما احب اني اكون سبب في سعادة الناس
جزء من شخصيتي اني احب اشوف الناس حولي
_____________
كل واحد فينا تمر عليه مواقف صعبه ما تنسّي
والمواقف اللي حصلت لي
صعب يتحملها أحد
!!
لحسن حظي لقيت نفسي اقوى منها
تدرون ليش؟؟
لأني
منـــــــــاف
عندي قناعه انه الاسامي
تأثر بشخصية اصحابها
:)
________
كل عام وانا بخير
اقولها لنفسي
ولصديقي العزيز
عبدالوهاب بوعركي
انا وياه انولدنا بنفس اليوم
:)
عندنا عاده سنويه نتحدى بعض
منو اللي يتصل بالثاني أول
________
صار وقت لازم اغمض عيني واتمنى امنيه
اتمنى لنفسي الاستقرار
والنجاح اكيد في اعمالي القادمه
واكيد اتمنى ان يكثرون اصدقائي
وانكم تبقون معاي
انتو بالذات
لانه من اجمل الاشياء اللي حصلت لي في السنه اللي فاتت
اهي معرفتكم
اكلو لا تستحون
:)
ـــــــــــــــــــــــــــــــــــــ
عيشوا الحياة
وسجلوا لي ذكرى من فضلكم
تبقى معاي
الباجي من عمري
_____________
اصدق شي اقدر اقوله لكم
اني سعيد بوجودكم معاي
والله لا يحرمني منكم
مناف نذر
104 comments:
مطـار هاااااااااا !؟
كـل عـام وإنـت بخـير
بس بحجز المكان وبعدين
أرجــــــــــــع لــك
اسفه
مار اح اقول شي
وعلى كلامك الي كاتبه بردك على تعليقي
ما اقول الا
مالت على الباميه ام السناسيل
:)
تدري ما اقدر على زعلك واذا بزعلك مو بيوم عيد ميلادك
عشان جذي الي بقوله كتبته من يومين
وامس ضفت عليه
بس ما ادري متى اقوله لك
ادري مو مصدق بس ترى يطلع مني حركات
اول شي كل عام وإنت بألف ألف خير
وإن شاءالله تحقق كل إللى تتمناه
عجبني هالبوست فوق ماتتصور
كلامك جداً راقي
وصلني بصورة جداً مميزة
أنا أدري ليش أنت متألق بهالبوست
مع إنك دائما متألق
لأن اليوم يومك
يووم ميلادك أهو يومك
عجبني التشبيه إن حياتك مطار
واايد عجبني فعلا الحياة أشبه بالمطار
أنا أعتبر الإنسان بالفعل إنسان أذا كانت سعادة الاخرين من أهم أهتماماته
:
لأنك مناف إنت قوي
قناعة أهنيك عليها من أعماقي
:
بالأخير كل إللى أقدر اقوله
كل سنة وانت مثل ما تتمنى
تحياتي لك
كل عام و انت بخير يا حلو
كل عاام وأنت بمليون خير
شسوي الألف شويه بحقك
وانشالله يكون الياي من حياتك أحلى وأحلى
بما أنى أصغر منك بعشر سنين ويوم ..ميخالف اكون اختك الصغيره :p
تعطينى بيزات وتبيني بعيدك اهاديك
وانا لو بيدي احطك بكفي والف فيك
عالم كله احلام تنولد بطاريك
وينرسم اسمك مع حروفي واغنيك
بليلة فرح لأم عبدالله اهديك
تعتقد ان الهدية تسوي قدرك وتكفيك
لو احط العالم بيد وانت بيد
والله حتى ربع حقك ما اوفيك
مناف
كل عام وانت بألف خير
وتقبل منى هالأبيات البسيطه ان شاء الله تعجبك
تستاهلها وتستاهل العالم بكبره ينضوي شموع بعيدك يالشيخ
العمر كله يارب
Keeeeeeeel 3am wnta ib khair mara thanya lol :P
bs hal marra ib post yedid o ib youm yedid :P
lik 6olat il 3omir oo inshallah tkon sinat khair 3alaik:)
12:00am bil thab6 (3ala 7sab tawqeet sa3ty) :P
happy birthday
i just sign up 2 say happy birthday and hope a happy life 4 u
كل ام وانت بخيييييييييييييييييير
وانشاء الله تحقق كل شى حلو بحياتك
:)
HAPPY BiRS DAY 2 YOU
HAPPY BiRS DAY 2 YOU
HAPPY BiRS DAY
HAPPY BiRS DAY
HAPPY BiRS DAY 2 YOU
شوفوا اليوم من ميلاده
hehehehehehehehehehehe
لأ لأ بس ماني مكمّل
;p
___________قلت_____________
دايما احب اني اكون سبب في سعادة الناس
جزء من شخصيتي اني احب اشوف الناس حولي
___________وأقول______________
شمعنه تحب تشوف النّاس بحولّي!؟
ليش مو بالجابريّه مثلاّ!؟
amlaq
____________قلت____________
كل واحد فينا تمر عليه مواقف صعبه ما تنسّي
والمواقف اللي حصلت لي
صعب يتحملها أحد
____________وأقول____________
إشمعنه تمر!؟ ليش مو فستق!؟
hehehehehehehehe
لأ صج بس بقول
اللي يشوف مصايب الناس تهون عليه
كل المواقف اللي مر فيها
والحياة تمشي ما توقف
فلازم تكون أقوى منها وتتحمل أكثر
___________قلت____________
حياتي اشبه بالمطار
في كل مرحله مريت فيها
استقبلت ناس
وودعت ناس
___________وأقول__________
كنت بتكلّم عن المطـــــار
لأني حسّيــــت إنّك ظلـــمت
نفسك بهالوصف ..! لأن تشبيه
مناف بالمطار يعني كل اللي
حواليك مسافرين .. قادمــون
أو مغــــــــــادرون سيّان
وركّز على سيّـــــــــــــان
يعني ما يتمّون عندك
يا أمّا ترانزيت يختمون
جوازهم وياخذون الرحله
اللي بعدها.. أو يايين رحلة
عمل ومن المطار عالشيراتون
وثاني يوم طايـــــــرين
حتى ما يمديهم يزرقون الكنيسه
أو ستاربكس حسينيّة الكنيسه
وإنت مجرّد معبر لهؤلاء الناس
اللي إحنا بعد إنضمينا لهم
مجرّد رأي مو وقــــــته بس
لأني مو شايفـــــــك جذيه
وراح أسكت لأن عيد ميلادك حان
كل عام إنت وبوعركي بألف خير
والله يعدّي هاليوم على خير
hehehehehehehehehehehehe
لأ جد والله بسّك غشمره
كل سنه وإنت والعايله الكريمه
بألف خير وصحه وعافيه
وإنشالله تكون سنة خير عليك
وعلى ويهك و ويوه كل اللي تحبهم
Enjoy it as much as you can :)
كل عام و انت بخيييييييييييييير منااااف
و عسى عمر عمر شعيب النبي ..
لوول انت كل يوم بلوقك له نيو لوك ؟ :
ادش اشك بروحي اني داخله مكان غلط ..:P
كل عام وانت بخير وصحه وسلامة
وعقبال الـ 100 سنه يارب
وانشاءالله السنه هذي تكون كلها افراح وسعاده
وتتحقق كل امانيك يارب
happy birthday :))
كل و انت بالف خير
كل عام و انت اكثر تألق و رومانسيه
كل عام و انت اكثر سعاده انشاء الله
مع المحيطين حولك
و الله لا يحرمك من اهلك و اسرتك و ابداعتك
كل عام و الله لا يحرمنا من خواطرك و كتاباتك
صج ان انا قنت اشك فيك شوي
من كثر ما تحس فينا يعني
بس صج صج صج انت من ابدع معانا و اسعدنا هالسنه
ضحكنا معاك
و دمعت عيونا بكلامك
وقفنا لحظات صمت لرومانسيتك
و كل هذا تشكرنا ؟
انت من يستحق الشكر
كل عام و هالبلوج عامر
كل عام و انت بخير
و يارب يتحقق لك كل اللي تتمناه
:)
كل عااام وإنت بخيير
وعسى أعوامك كلها سعاادة وحب
البوست فعلا مميز ورااقي
كل عام وانت بالف خير وصحه وعافيه يا مناف
وان شااءالله هالسنه احسن من الى قبلها
وتحقق كل الى بالك
:)
عقبال 100 سنه
كل عام وانت بالف خير
HAPPY BIRTHDAY MANAF
and so so so many years to come full of fun, care, joy, love and success
كل عام وانت بخير وعقبال 100000 سنة تعيشهم مع الي يحبونك ويسعدونك قبل لاتستوعب انهم حواليك
وتحقق كل امنياتك واحلامك
hamdool
اي مطاااار !! عندك ملاحظات
..
شفت هذا انت تقولها بتحجز المكان
يعني تحجز مقعدك استعدادا للاقلاع
..
وانت بخير
تروح وترجع بالسلامه يالحبيب
magnoonah
يكون احسن
:)
بعدين بالنون مو باللام
يا مينونه
magnoonah
ادري فيج اصيله وراعية واجب
بس وين اللي كاتبته من يومين
ان شاء الله شعر عني
والله وقامو يكتبون فيك شعر يا مناف
اثاريني مو هيّن
:)
هم ما راح اغير كلامي
لا تيين فريجنا
7osen
وانت بخير وصحه وسلامه
تسلم يالذوق
..
طبيعي انها تكون الحياه بكل حدودها مثل المطار
نستقبل فيها مواليد نفرح فيهم وبوجودهم بينا
ونودع ناس اعزاء يرحلون عنا ونحزن لفراقهم
..
احمد ربي الف مره اني اقدر اعبر بطريقه سلسه وسهله بحيث انها توصل لقلوبكم بدون تكلف ولا تصنع
..
7osen
مشكور يا خوي
kila ma6goog
وانت بخير يا الحبيب
ناطر اخر صيحات الالكترونيات منك
يقولون شاري كاميرا 3 دي
لما تحمض الافلام يطلع اللي مصوره
وتقدر تسولف معااه
:)
Free_Moi
يا حلاتج
احلى اخت
بس مو تأذيني
كل شوي تبين حلاو وكاكاو
مو زين حق اسنانج
:)
اليوم الساعه 12 راح ابارك لج
كل عام وانتي بخير
ZoZOta
تحيه من قلب مناف
لج يالزين
على هالكلام الطيب
ارجوج اعتبري ردي هذا باقة ورد لج
وتسلمين يالزين
:)
Very.Q8ya
تسلمين عزيزتي
وييتي بوقتج
مسويتلي جو جميل بعيد ميلادي
:)
baskoota
مشكووره يا بسكووته
يبيله شاي حليب
:)
Mishari
وانت بخير يا بو جود
الحين عرفت ليش احب مدونتك
لانها تذكرني بعيد ميلادي
:)
hamdool
الله يابك خل نرد على ملاحظاتك
..
حولي ما كنت اقصد منطقة حولي والنقره
اقصد دار مداري
......
ولمّا قلت تمر قصدي تعدي تمرؤ تطوف
مو تمر اللي ياكلونه مع الهرده
.....
الحين بتكلم عن المطار
انا لما قلت حياتي اشبه بالمطار
لاني واقعي وماني مثالي زياده عن اللزوم
بالفعل كان عندي اصدقاء بالروضه اليوم ما ادري عنهم ولا عن اراضيهم
وكذلك في باجي المراحل الدراسيه في ناس تمر علينا وتروح ولو علينا ما كان ودنا يروحون عنا بس الدنيا ماشيه بهالطريقه
وبنفس الطريقه نستقبل ناس ونتعرف عليهم ويملون علينا حياتنا منهم اللي نفرح باتصاله ومنهم اللي نتمنى ما يبعد عنا ومنهم اللي نتمنى السفر معاه ومنهم اللي نعتمد عليه وقت الشده
..
هاا شكلك تحاتي لا تكوون مع المغادرين هاا
لا تحاتي
انت بالنسبه لي مثل شركة كاسكو
مطاري بدونك ما يسوى شي
:)
Shather
وانتي بخير وصحه وسلامه
لا لا تشكين بنفسج بلوقي قاعد اغيره من فتره لي فتره عشان لا تملون
:)
صج تتمنين يصير عمري عمر شعيب النبي
من يبقالي بعدين
اكون الوحيد من مواليد 76 في سنة 2200
عشان يحطون صورتي على النوط
:)
خيالي عالي انا صح
بنت الكويت
اجمعين يا بنت بلادي
يا رب تنالون اللي تتمنونه معاي وترجعون بالسلامه
تحياتي للبنوته الحلوه
:)
lawyer
محاميتي فطامي
بحياتج يارب
وتسلمين لي
والله لا يحرمني لا منج
ولا من حظورج
ولا من كتاباتج الخطيره
..
بتم معاكم لا تحاتين
لين يوصل اسمي معاكم للعالم كله
تعليقج عندي يعنيلي الكثير والله
احس في ناس تتمنى لو انج تعلقين عندهم
بس عاد لا تنتفخين علينا
:)
فاطمه
مشكوره
Purplecious
وانتي بخير وصحه وسلامه
مشكوره
وعساها تتحقق بوجودج يا رب
:)
SHAHAD
وانتي بخير وصحه وعافيه
انتي اللي مميزه وراقيه
:)
تسلمين شهد
charisma
اللهم امين
والله اني ادري انه هالدعاء طالع من قلبج
ثقي اني اتمنى لج ضعف اللي تتمنينه لي
:)
Barrak
وانت بخير وصحه وسلامه
وخطاك السو يا براك ترى انا اليوم دريت عن موضوع بلوقك
بس ما عليه
انت براك
ما تأثر فيك هالاشياء
PinkOcean
امنياتي بتتحقق من اليوم
دام انتو تحملون لي كل هذا الحب
والاخوه والصداقه
شبي اكثر من جذي
..
انا قايل لج من قبل ان احنا بحاجه
للمحيط الوردي
..
انا اكثر واحد
:)
يا رب تعيشين
ومشكووره
برشا برشا
كل عام وانت مناف
بدون مبالغه انت راقي
مو بس باشعرك
والله حتى باسلوبك وطريقتك بالكلام
تخلينا ما نمل واحنا نسمعك
وترى هذا مو كلامي انا بروحي
اللي يعرفك واللي ما يعرفك
يقدر يأكد كلامي
فيك رجوله صعب نلاقيها في هالزمن
يا مناف
عل عام واحنا معاك
وكل عام وانت معانا
اختك
دودو
مساالورد لاحلا واغلا وارق ورد بالدنيا
منوووووووووووف الغالي
الناس قالوها كثيييييير...بس من اختك اكييييييد بتكون غير
شرايك فيني وانا واثقه من نفسي
:)
انا بخاطري شي بقوله"انت الخير لكل عام"وبعد
نصيحه من خامس اخوانك
ابيك بهالسنه تكون اقرب من اشياء كثيره
تدري شنو اهي
1>ابيك تكون بهالسنه من ربك اقرب
2>وابيك تكون من زوجتك وعيالك هم اقرب
3>ومن الناس اللي يحبونك بجد اقرب واقرب واقرب...لان احنا بدون اللي انحبهم وغلاتك مانسوي شي بهالدنيا
:)
وامنية اخيرة من الدعله فراولة...اتمني من الله انه مايحرمني منك وتبقي لي اخو..وصديق..والمكان اللي يخفف عني كل ثقل اشعر فيه
:)
شفت شلون اختك طيبه...وامنياتي هم خفيفه مثلي
دمت باحلي واغلي الامنيات الجميله بهذا اليوم السعيد
يااحلي اخو بالدنيا
:)
يوم جميل في عمر مديد انشاالله و سنة
موفقة يا مناف ... تستاهل الخير يا
بو عبدالله
ما راح ايي فريجكم
تامر امر
اللهم لا أسألك رد القضاء وإنما اسألك اللطف فيه
بتحملك عشان عيد ميلادك
وبعدين اوريك النجوم اتوقع تعرف متى صح؟؟
اخي العزيز مناف
(من ورى قلبي)
ممكن تزور مدونتي لو سمحت
(يعني صابره عليك بس اليوم)
dodo
الحمدلله اني بعيونكم لي هالقدر وهالمكانه
صدقيني انا ما ادري منو انتي
بس ادري انه الكلام اللي قاعده تقولينه طالع من قلبج
بصراحه في عيد ميلادي هذا بالذات
انا راضي عن نفسي
والسبب كلامكم لي
دودو
في محل فلافل بالسالميه هذا لكم
:)
........
شكرا اختي
فراوله
انتي عاد لج ترحيب غير شكل
مشكووووره
اقول لج اياها من كل قلبي
على هالمشاعر اللي تحملينها لي ولاسرتي
ابي الناس تعرف بعد اذنج شكثر انتي قريبه مني
دام انه اليوم ميلادي خليني اتكلم براحتي
الطيب اللي سويتيلي اياه اكثر من اللي انا اسويه حق كل الاوادم
ماني ناسى اي شي من الاشياء اللي سويتيلي اياها .. وطبعا هذا شي مو غريب عليج
في كل موقف سواء كان مفرح او محزن لقيتج واقفه يمي بدون ما اطلب منج
اللي تعرفينه عني اكثر من اللي يعرفونه حتى اهلي .. ولله الحمد انتي اهل للثقه ولهالسبب مكانتج تتعدى حدود الصداقه وتدخل لي حدود الاخوه الصادقه
شكرا على الهديه احب ابشرج
طلعت كل اللي فبوكي من بطاقات وصور
ورحت سحبت فلوس عشان اكشخ بالبوك اليديد
:)
شكرا لج وشكرا ل رورو
جمايلكم على راسي من فوق
وشكرا لشوشو على الهديه القيمه اللي اهدتني اياها بعد
وصلي شكري للجميع
وبالنسبه للي طلبتيه مني
اقول لج حاضر ومن عيوني
....
بس مسألة اني اكون اقرب اقرب اقرب من اللي احبهم ويحبوني
فهذا معناته انه راح يخترب بيتي
:)
وايد يحبوني
لووول
elshaytoooona
تسلمين والله
اليوم جد كان مميز من الساعه 12 بالليل
وكم المسجات والايميلات والتليفونات
والله فرحتني
لي اليوم اول ما رحت الدوام وانا استقبل الايميلات والاتصالات من الزملاء
والزميلات
والمفاجآة كلها اشياء خلت يومي غير
..
تعليقج ما يدل على انج شيطونه
:)
magnoonah
هلا بالميانين والله
هلا بالجاكيتات الجلد
والنظارات السود
ويخرب بيت عيونك
مجنونه شو حلوين
.....
يبى تعالي فريجنا براحتج واللي يقرب صوبج
راح انلبس اهله اسود
افا عليج بس
اصلا تحل البركه
بس قبل لا تيين قوليلي
عشان نهد عليج البوليسي
:)
مريت مدونتج مافيها شي
للحين النسيان
ليش تخليني اتعنى
مسا الخير
اشلون عمر الواحدد وثلاثين؟
واشلون اول يوم وياه؟
عسى خوش عمر تنصح فيه؟
:))
ك العمر وانته بخير وصحة وسلامه
كل العمر وانته اقوى
وارقى
كل العمر وانته لله أقرب
اخوي الغالي مناف
كلمه اخو ما تنقال الا حق شخص فعلا يستحقها
على الاقل بالنسبه لي
والله يشهد انك اخو اعتز بعترفته ووجوده
بلوقلك يحسسني بالشراحيه
نفسك الحلوة
طيبتك
رقي تعاملك مع الجميع
يحتم على الجميع احترامك وحبك
معرفتك مكسب ،والانسان الطيب يستحق دايما كل شي زين وحلو
قاعده اجاملك؟
الله يشهد قاعده اقول اللي بقلبي من غير صف وترتيب ومجااملات وكلام خاوي من الاحساس
انته حط كاشف احساسك وجرب
بتشوفه صادق ان شاء الله
:)
الله يسعدك دنيا وآخره
ويحفظ لك حبايب قلبك
ويبارك لك بعيالك ويبغلك فيهم
ويسعدك انته وام عبدالله راس المال
.
.
سامحني على التأخير
النت هاليومين متعسر عندي
:))
طبـــــــــــــعاّ
وإذا ما أكدت الحجز
قبــــلها ب48 ساعه
يروح علي الحجــــز
ليلحين كلامك ما أقنعني
والأهل عمرهم ما يروحون بعيد
عن هالمطار هذا على سبيل المثال
والحين أكو شركه تموّل الطيارات
بالبنزين بس نسيت إسمها
وأنهوا عقدهم الإسبوع اللي فات
ونفس الموضوع ممكن يصير مع شركة
كاسكو .. أو أي شركه ثانيه
وحتى الموظفين بالمطار
موجودين لفتره معينه ويمشون
عقبها كل واحد بحال سبيله
وآنا أبي لك الخير يا مناف
ولو إنك تعرف شسوّيت بهاليوم
وكدّرتني من بدايته
;p
بس يالله .. الحمدلله على كل حال
الكلام الحين مع السيّد والدك مو معاك
:))))))))))))))
فك عمرك منّه
قووووووووووة
قووووووووووة
شلونك .. عساك بخير
أول شي هالبوست من أحلى البوستات إلي قرأتها بمناسبة أعياد الميلاد
طالع من صميم أعماقك
ماراح أقولك كل عام وانت بخير
راح أقولك انت الخير في كل عام
وعساه سنة سعيد عليك وعالأسرة جميعا
بالعكس إحنا إلي سعيدين بوجودك يا مناف
الله يوفقك يارب
كل عام وانت بخير يا مناف
الله يجعل كل ايامك سعيدة :)
وييحقق كل امانيك
تحياتي واطيب امنياتي
{ :: alive :: }
مساء الخيرات,
ولا أقول صباحية مباركة ياعريييس
:)
اشلون الإحتفالية بعيد ميلادك
:)
انشاءالله تكون استانست يارب
hope 2 c u soon.....
Happy birthday :)
esTeKaNa
والله ادري انج ما تجاملين وكل اللي قلتيه يدل على طيب تربيتج
ولو تطلبون عيوني ترخص لكم
:)
....
اما بالنسبه لعمر الواحد والثلاثين
وناسه
احس اني صاير
باسكن روبنز
:)
31
hehehehe
hamdool
اذا عرفت اسم الشركه قول لي
وييب ادله وبراهين
كلام من الهوا ما اتعامل معاه
خلك دقيق معاي لو سمحت
وبعدين مو شركة كاسكو اللي ينتهي عقدها
واظن تعرف ليش؟؟
..
ورجاءا لا ندخل الاهل بهالمواضيع
:)
Almas
تسلمين والله
حبيتي البوست؟؟
اكيد لانه فيه صراحه وصدق
ولانكم طيبين تفاعلتو معاه
ولو ما اخلاقكم العاليه ورقيكم
جان ما ترددتو على هذ المكان
شكرا الماس
Shaima'a Alkandari
وانتي بخير وصحه وسلامه يا شيماء
طول عمرج راعية واجب
ودايما سابقتني بالطيب
يا بنت الكندري
:)
{ :: alive :: }
اطيب امنياتج تكفيني
وتسلمين يالذوق
:)
baskoota
في كل عيد ميلاد من اعياد ميلادي ميزه
هذا العيد ميلاد بالذات
اللي ميّزه
وجودكم معاي
Ra-1
2 u 2
thanxx 4 ur nice feelings
:)
كل عام وانت بالف خير سوري يت متاخره لول
:)
عقبال مليون سنه ياارب
salamz friend...
5roofa
وانتي بخير وصحه يا رب
انتي وينج
قعدت احاتيج مالج عاده تغطين بهالطريقه
انشالله ما فيج الا العافيه؟؟
............
ووايد مشكوره على الاهداء الحلو
والله مو قادر ارد لج الجميل
على فكره
الاسباني وصل فرنسا امس
:)
سلاااامزز
أوّل شي الأهل هم الأساس
وأهم الداشّين وإحنا الطالعين
وفيك خير قول غير هالكلام
ثاني شي الشركه اللي صارت
معاها السالفه الكل كتب عنها
وتقدر تطلّع أرشيف الجرايد
وإذا فيك خير قول غير هالكلام
ثالث شي الكويتيّه بكبرها بتنباع
وتهد المطار صل عالنبي وقول غير
هالكلام إذا الوطنيّه إنباعت
بتوقف على كاسكو يا الكاسكو!؟
;p
وإنت اللي خلك دقيق معاي
يا طحيـــــــــــــــن
;pPpppppp
الواحد في عيد ميلاده يحب كل حبايبه
يدقون عليه ... ومرات تكون فرصة حق
حبايبنا الي عشنا معاهم ايام حلوه بس
اخلاقياتنا و طريقة فهمنا لبعضنا
فرقتنا انهم ينتهزون الفرصة و يبداون
بالبادرة و يدقون و يهنؤون بس
يبيلها شجاعة و جرأه لمواجهة الحقيقة
الحقيقة الي في زمنا صار شي سخيف وكاذب
بس انت مو جنة زودتها ..يلا ما صار عيد
ميلاد ..نبي شي حلو من كلامك يا عسول
hamdool
انا حياتي مثل المطار
واذا كثرت حجي راح اسفرك
واختم على جوازك بعد
بعد سويتك شركة كاسكو مو عاجبك
شخليك
سراج الخليج
اعطيك شفر ابيض قديم
وتصير راعي تاكسي بالمطار
عشان تضمن وجودك الدائم
غير شغله
elshaytoooona
10\10
كلامك غالي
وله قيمه كبيره
....
ادري طول البوست
بس وعد باجر اغير اذا الله احياني
ان شاء الله
تامريني
ما نقدر على شطانتج
:)
hi
still bussy
hope that u have time 2 c the e-mail i send:)
حبيبي مناف الغالي .. يا عسى ايامك كلها اعياد وتلقى الخير وين ما التفت بدنياك .. وابيك اطفي اشموعك مثل ما ذكرتها بأبياتك تطفي اشموعك ابليلك وعسى الفرحه تنرسم عندك دووم وما تنقطع مثل ماراح تنقطع عندكم الكهربه بالكويت
وانشاله صديقك همدوول يابلك هديه بدل ما يشكي هم المطار واذا ابخاطره يروح اهناك فقوله الاسبوع الياي ردتي اذا حاب يستقبلني
اخوك طلوب
كل عام وانت بالف خير يامناف
اكثر مايسعد الشخص شعوره بالناس
حوالينه تحبه وتحترمه وتقدره
وهالشي اهم شي بنظري
الله يوفقك ويسعدك
وحقق كل امانيك وفرح قليبك:)
تستاهل كل خير يالغالي :)
حدي متأخره
بس كل عام وانته بألف ألف خير
ويارب انشالله بعون الله تكون سنة سعيده عليك
والعمر كله لك يارب
ويطول بعمرك
ويخليك لنا احلى بلوقر بالدنيا كلهااااا
وهم لرفيجك العزيز كل عام واهو بألف خير وعسى الله لايفرقكم عن بعض آميييين
وعاشت الاسامي يا مناف والنعم
hamdool عجبتني ملاقتك لووووووووووووووووووووووووووووول
بس جد نفس تفكيري لما قريت كلمة حولي خخخخخخ
فكرت بمنطقة حولي
لووووووووووووووووووووووووووووووول
لووول كنت مصلحه لاب توبي و عفسني عفاس
و حمدالله على سلامته الخايس والله له وحشه لوول سلم علي وااااااااااااااايد
و شدعوه ما سويت شي هذا شويه بالنسبه لك
:D
salamz friend....
baskoota
:p
embala shefthoom 7elween
ya36eech el3afya o mashkoora kteer kteeer
t.b
broo 7abibi
wenta bkhair
shloon france cool
تكفه لا تنساني لي قعدت بالشانزيليزيه
سافا ميسيوو :)
::heba::
وانتي بخير هبّوون
والله صاجه عزيزتي
ايام ميلادنا حالها
حال باجي الايام
احبابنا اللي يخلونها
مميزه
:)
مثل وجودج اليوم
مشكوووووووره هبه
kuwaitya_7saweya
ميرسي بكووو
:)
صج واصله بالوقت الضايع
بس مشاعرج مالها وقت تحكمها
لانها بكل وقت واصلتني بحراره
تسلميلي والله
5roofa
يقولوون باجر دوام
هي هي
___________
يقول لج طلووب
راح يتقدم حق بنت
سارقووزي
:)
كل عام وانت بخير
:)
happy birthday ;)
جنون إحساس
:D
وانتي بخير وصحه وسلامه
تسلمين ما قصرتي والله
يا جنون
Яeema
ليش التهنأه متأخره
:(
الناس خلصت من اول يوم
والا انتي من نوع اللي ما تحبين الزحمه
:)
المهم انج باركتي
شكرا ريما
مردوده بالافراح انشالله
:)
تدري
تبي حياتك مثل المطار
أو مثل مزارع الوفره
أو مطافي حولّي كيفك إنت حر
والشرهه مو عليك علي آنا اللي
قاعد أنصحك وأبي أبيّن لك
أخطائك اللي تودّي بداهيه
شكلك ما راح تقتنع موليّه
وما راح أزيد وأعيد .. بس
يحز بخاطري إني أشوفك مطار
وحط في بالك إن مطار طير
وإرتفع .. إلا كمطار وقـع
بعد أكثر من هالحكمه إشتبي
أقول لك!؟ عقلك براسك وتعرف
خلاصك .. قالوا إشحادّك عالمرّ
قلت اللي أمرّ منّه .. ويا زين
من زار وخفّف .. وكتير والّا أليل
هيّه عاجبها إسماعيـــــــــل
_______ قلت __________
واذا كثرت حجي راح اسفرك
واختم على جوازك بعد
_________ وأقول ______
هذي قمّة العنجهيّه والتكبر
ومطار طير وإرتفع إلا كما طار وقع
مره ثانيه على صماخه
وباقي الأمثلة تلقاهم فوق
ولا تتطنز على سراج الخليج
هذا مرشح المجلس وأستاذ فاضل
بس ظروفه اللي حدّته على الشغل
وقام يكد عالتاكسي لأن الشغل
مو عيب .. وبعدين حتى هذا
ما يكون بالمطار إلا لمصلحه
ياخذ راكب من المطار ويمشي
يعني هم تشبيهك لنفسك بالمطار
غير مثالي وتقدر تغير رايك
إذا مو مقتنع فيه وكلنا واقفين
معاك والله .. مو عيب إن الإنسان يغلط
بس العيب إنه يستمر بالغلط
راجع حساباتك أخوي مناف
توقيتك مع المدارس
السموحه
أولويات الحياة
واااي الجعده 3 أيام بجي
يا حلوه
كاشخ بالكرسي الأزرق
يقوللي
mama you like blue chair
waaaay ya zeeeena
naaaaaaa6i3!
weldy mo enta !
Hamddol ,
!!!الله يهداك اشفيك حاط حطه علي مناف مناف الحب مناف الإحساس
انت قلت نصيحتك وما قصرت,بس تراها مو بالضرورة صح
ومن صجك مناف فيه عنجهيّه و تكبر,أرجوك اسحب كلامك
وليش تقول إن مناف مو مقتنع في رأيه ,غصب تبيه يقتنع في كلامك
كل واحد يقول النصيحة وبعدين ينام
علي الجنب الي يريحه
وتشبيه نفسه حق المطار تشبيه يدل علي ذكاء,ولو تسأل أي أحد عن المطار يقولك وناسة فيها سفر فيها استقبال ناس انحبهم بس محد يقول لا فيها حزن ولا ألم,بس انت ما أدري اشلون تشوف الأمور ,يبا شوف دايما النص المليان مو الفاضي
ومناف تراه ما غلط
غصب تبي اتلبسه الغلط
تري عيد ميلاده مانبي انزعله
Happy birthday manaf :)
hehehehehehehehe
مناف داق تتهدّد وحالتك حاله
وتقول لي الناس ترد مو آنا
وآخر شي واحد مسمّي نفسه
؟؟
و لما أدش على صفحته ألقاها
Profile Not Available
;) adry feek tetghashmar weyay
CZ
من متى تاخذ كلام المجهولين!؟
La w gayel esmy hamddol
mo hamdool
صج غشيم
أو يتغيشم
هلا هلا هلا هلا هلا هلا هلا
وأرد على
؟؟
إن آنا قلت نصيحه لوجه الله
وهو طلب مني الحقائق
وتوقعت كلامي فيه ثقه لأن مناف
يعرفني زين .. وأكثر منّك
;)
إلا إذا
______________________
وعالعموم هذا واحد من الإثباتات
للي ما يقرا الأخبار
http://www.alqabas.com.kw/Final/NewspaperWebsite/NewspaperPublic/ArticlePage.aspx?ArticleID=311299
والشركه اللي قلت لك عنها إسمها
ألافــــــــــــــــــــــــكو
________Anonymous_________
أما الثاني اللي هم قال إسمي غلط
حمدووووووووول
والصح
hamdool
والمشكله مو حاط إسمه حاله حال
اللي قبله و حتى مناف ما راح
ياخذ بكلامكم لأنه يدري منو رفيجه
;)
فأقول له
يا داخل بين البصله وإشرتها
ما ينوبك إلا ريحتها
_________________________
نصيحتي مو شرط تكون صح
بس آنا قاعد أتكلم بالمنطق
وأييب إثباتات وحقائق
الحين اللي يقول نصيحه
صار حاط على الشخص!؟
إنت تعرف إيه عن المنطق!؟
وبعدين نصيحتي حق رفيجي
إنت من داس لك على طرف!؟
وصدقني حتى مناف ما راح يأيدك
وتشوف
;p
فأنصحك تنام
على مو علي الجنب الي يريحك
______________________
تشبيهك لمكان المطار
غير التشبيه اللي إستخدمه مناف
المطار فيه وايد أشياء تكدّر
واحد متزوج على زوجته
إستقبال وفيّات
خسارات المنتخب اللي
أكثر من الهم على القلب
شوفة ناس مو مرغوب فيهم بالديره
بس مو هذا موضوعنا
والنص المليان اللي كان موجود
شكلك شربته ورحت
وعلى فكره ليلحين أحب المطار
بس ما أحب أشبهه برفيجي للأسباب
السالف ذكرها باللي كتبته
من لحظة نزول البوست
ومحد قال مناف غلط
والراي لا يفسد للود قضيه
وينك عنه بعيد ميلاده!؟
توك فايئ ورايئ
وعلى فكره آنا نسيت سالفة المطار
بس مادري شفيكم محترّين
من ربع ينصحون بعضهم البعض
hamdool
عزيزي وصديقي وحبيبي وتوأم روحي
اليك تحيه ملؤها الحب والود والتقدير
لن تفرقنا السنين ,,
والاختلاف بالراي
والملك فاروق على الام بي سي
:)
ياخي انا شنو دمي خفيف
لاني خفيف
بس على القلب
مو رقله
_______
اما بعد
اسمع وع
وع على اللي يزعلك
انا لم اقصد التقليل من شأن اي مهنه شريفه
كسائق التاكسي والكاشير ومعلّم الشاورما والطبيب والمهندس والاعلامي
فبالنهايه الجميع يسعى وراء لقمة العيش
وبما اني متغدي اليوم صينية روبيان
فهذا يعني ان التستسترون زايد حبتين
لوووووول
بدايتا
انا حينما شبهت حياتي بالمطار
كنت اعني الجانب الجميل والمفرح والمحزن بنفس الوقت
ما فاتك يا صاحبي
اني لم اذكر مطار الكويت الدولي
لعلي كنت اقصد مطار هيثرو
او مطار بكيين
او مطار دبي
ولكل منهم ميزته
لطالما انه هذه المطارات معرفه بازدحام الناس فيها
وجمال اسواقها الحره
وكثرة المترددين عليها بكل جزء من الثانيه
هناك اناس في حياتي
هم اساس هذا المطار
هم الارض بالنسبه لي
وقلبي لا يسمح بخروجهم من حياتي
انت منهم
فيا حبيبي ويا صديقي
نعم لقد غادر من حياتي اشخاص
من دون ان يكون لي ذنب بمغادرتهم
فمن الطبيعي حين يخطأ بحقي أحد
انت نفسك لن تسمح له بالبقاء في مطاري الجميل
اهم ما اردت توضيحه لك
هو ان مطاري يشع بالحب
لقد بنيته بحبكم
فهو لكم
كما هو قلبي لكم
ولا تحزن
سأسمي هذا المطار
الدولي hamdool مطار
:)
وسأتحدى به العالم
??
شفتي شلون يبي يزعلني بعيد ميلادي
:)
بس ما عليه يموون
على الاقل اهو اول واحد بارك لي بعيد ميلادي
وقلبه علي ويحبني
بس هذه المداحرات طبيعيه بيننا
احنا دايما نطفّر بعض
انا متعود على هالوضع
عادي عادي
واشوه انها ردت على جذي بس
لانه يملك اسلحه فتاكه
وما ابيه يستخدمها
:)
اهو من الخمسه الكبار
وعنده حق الفيمتو
hehe
h
a
m
d
o
o
l
_____
enta mojrem
:)
khuf 3alay tukfa
yalla abi anhi el mawthoo3
3ashan anazel post yedeed
ro7 red 3ala elkommentat elly 3endek elnaas na6raa
Яeema
يا حلاتهم الامهاات
اللي يجابلوون عيالهم
:)
حبيبي والله
شسالفته مع الكرسي الازرق
هذا شماله بعد!! انتي شاريته
والا لوون كرسيه بالمدرسه
....
بعدين ليش كسرتي فيني
الله يهداج
....
يالله عادي تمونين
اولاااااا
كفّيت ووفّيت
تتقبل كلام مثل هذا من مجهولين
وتتصل وتقول لي إن عدو صديقي
يصير رفيجي مادري شتخربط!؟
هذا آخر الكلام اللي عندك!؟
ومن قال لك إني أقصد مطار الكويت!؟
آنا يبت هالمثل بطلب منّك
ومثل ما طلّعت هالخبر، أقدر أطلّع
ألعن من هالسالفه عن مطار هيثرو
وكنيدي و ميناء القاهره الجوي!؟
عاد تخيّل معاي الصوره
حياة مناف
=
مطار القاهره الجوّي
حلاوتك في الهلس يا طعم
خل ينفعك الملك فاروق
عالإم بي سي
لا يقصون عليك هالمجهولين
اللي حتى ما طلبت منهم
يكشفون عن هويّتهم!؟
بديت تتغيّر
توّه مطلعين البوست بس علشان يردّون
على أخوك .. إيي منّك أكثر
وعلى فكره كل مطارات العالم
شايله أسامي أشخاص إنتقلوا
إلى الرفيق الأعلى
تبي تذبحني يا مناف علشان توف
إسمي على المطار !؟
خلاص هذا اللي تبيه!؟
وما تبي تفرقنا السنين!؟
ماشالله المجهولين اللي عندك كلهم خفاف
دم
الله يديم هالخفه عليكم
_______
اسمع وع
وع على اللي يزعلك
هذي مالتي
وزين ما قلت إني
بفرض رايي عليك
أو حمّلتني مشاكل العالم
والبلاوي اللي قاعده تصير كل يوم
إنت قللت من شأن السيد المحترم
سراج الخليج بطريقه أشبه
باللي استعملها المجهول معاي
وكنت شاد الظهر فيــــــــــك
بس واضح إنك ماكل معبوج
مع الربيان والتستس اللي تقول عنّه
____________________
بدايتا
تنكتب بدايةً
مو مثل ما إنت كاتبها
يا شاعرنا المحبوب
والجانب المفرح بالمطار محّد يختلف عليه
بس مو كل شي يونّس إنشبّه
نفسنا فيه
أكو ناس مثلاً تستانس على التيسكو
يعني الديسكو .. فتخيّل يشبهون
نفسهم بالديسكو .. حريه شخصيه
وعساني ما أعرف مثل هالأشكال
ولكن أصدقائي لزاماً علي إني
أقوم بتحذيرهم
المطار تشبيه غير مناسب
وكنت أتمنى إنك ترد على الإثبات اللي
يبته لك بخصوص موضوع إنت طلبته
بدال ما تغير الموضوع وكأن شيئا لم يكن
!!!!!!!!!
وأنا على علم تام بأنك لا تبحث
عن الزحام أو الكم
بل على الكيف والأشخاص اللي
ينحطون عالجرح ويطيبونه
فالطيّبون للطيبات
تدري شنو مشتهي كنافتهم!؟
______قلت_____
هناك اناس في حياتي
هم اساس هذا المطار
هم الارض بالنسبه لي
وقلبي لا يسمح بخروجهم من حياتي
____وأقول________
حتى الأرض ممكن تتغيّر
وإذا ما تدري
مطار الكويت كان بالنزهه
ويمكن بعد 20 سنه يصير
بالشقايا والسالمي
قلت
فيا حبيبي ويا صديقي
نعم لقد غادر من حياتي اشخاص
من دون ان يكون لي ذنب بمغادرتهم
وأقول
وأكيد كنت سبب في مغادرة البعض منهم
وتتمنى تكون سبب في البعض الآخر
وهذا شي طبيعي
لأنك إنسان لك مشاعر
مو مطار جامد لا يشعر
حتى بريحة الناس الوصخه اللي
تتردد عليه كل يوم
!!!!!!!!!!!!!!!!!!!!!!!!!!
الله يديم الناس الزينه اللي تحب
مصلحتك ويبعد عنك عيال الحرام
___________________________
MANAF said...
??
شفتي شلون يبي يزعلني بعيد ميلادي
:)
وأقول: شنو (شفتي) هذي!؟
وشعرفك إنها بنت!؟
بس إهني إتضحت الرؤيه
وما عندي كلام أقوله
بس بوضّح إن الأسلحه الفتاكه
على قولتك عمري ما أستخدمها
إستخدام سيئ
ومن ماسكك نزّل بوست يديد
وبتم أكتب إهني
خف علي!؟
والله نصيحتي لك ببلاش
وقبل كانوا يشترون النصايح
بكنوز الدنيا يا مناف
بس الله يسامحك
اهم شي بوليسي
بوليسي الي ياكل خشمك يالمطار
ما بقى الا انت تهدد بالبوليسي
والله اهد عليك خرفان الوالد عشان يسدون خشمك بريحتهم
:)
والله بعدين ليش شايل علي
يا اخي حرام عليك ما يصير جذي كله ضدي
شنو ماكله عشاك انا ولا حارقه بصلتك
عموما مشكور وايي منك اكثر
ومالت على الباميه ام السناسيل (لعانه)
حبيت اقولك لا تهدد باخوانك مره ثانيه
وخل الملوخيه بالارانب تنفعك
ارحم من في الأرض يرحمك من في السماءبس خلاص والله تشبعنا من تحاليلك لكل كلمة يقولها مناف
-----------
-----------
:قلت حق مناف
واحد مسمّي نفسه
؟؟
------------
اشفيها يعني لازم اتعرف قصة حياتي
!!! يا أخي اسمع رأيي
------------------------------
:وتقول
La w gayel esmy hamddol
mo hamdool
يعني الواحد حرام يغلط بالكتابة
دقتك علي أشياء فعلا غريبة
الله يعين الي حوالينك
وايد دقيق حدك
تراني أدري انك حمدول
قصدي
Hamdool
-------------------------
:وتقول
و لما أدش على صفحته ألقاها
Profile Not Available
اشدعوه حمدووول داش بروفايلي وتبحث عني
ما تبي أحد يرد عليك
---------------------------
الريال يبا يشبه نفسه بالمطار كيفه نفسه وهو حر فيها
.
واتعيب علي مطار القاهرة
وعلي الملك فاروق؟؟!!!!
ماشاءالله
---------------------------
انت فعلا محتاج الي اجازة من كل شئ واضح انك تعبان
من وايد أشياء.
حمدوووووول
تراك فصلت
take a Break Will U!!!!
مناف الله يعافيك نزل البوست اليديد
حالا
كل عام وانت بخير متأخره ماعليه
:)
من زمان مادخلت بلوقك
بس بلوقك غير له طابع مميز
كلماتك حتى لو كانت بسيطه تعيش الواحد بجو حلو
hamdool
ana gayel ma ra7 a6awel el salfa
ra7 abadel kalamek eb ebtesama
l2anny me7taj laha
:)
magnoonah
انا ما اهددج بأخواني
لأنه اخواني اخوانج
وراح اعلمهم يعزوونج مثلي
لأنج تستاهلين
تحياتي
??
لا لا ترى ما ارضى عليه
اهو صديقي ويموون
خليه يعبر براحته
:)
Anonymous
والله ابي انزل بوست يديد ادري تأخرت عليكم بس ما عندي وقت وايد مشغول
انشالله الحين اشوف لي موضوع يعجبكم وانزله حاضر
:)
Nescafé
تسلمين وانتي بخير وصحه وعافيه
:)
لا تغيبين عن بلووقي
اختاري لج يوم بالاسبوع
تيين تزوريني اهني
وييبي كل من يعز عليج
:)
مع اني افضل زيارتج انها تكون يوميه
حياج الله بأي وقت
good evening
7abait amasee :)
Manaf:
gool elly tgoola!
7atta ent tmoon :)
??:
Mo sheghlek ;p
Anonymous:
Same answer above w khallek
eb ur comment ent w Manaf
malek sheghel feeny!
aw malech sheghel feeny!
I have to ask Manaf cz
ohwa yadry etha thekar
wella bent!
حمدوول,,,
ضروري تااخذ اجازة
واضح انك تعبان
واختلاف الراي لا يفسد من
الود قضية
علي فكرة تراني ريال وفحل واعجبك
الشرهه مو عليك
على مناف اللي معطي
المجهولين ويه
عالعموم مشكورين
انا وصلت
:\
انا ما اؤمن بأيان الميلاد
ولا الاحتفال بها
او حتى التهنئة
بس كل اللي بقوله
عسى عمرك طويل ان شاء الله
وعساك دوم متهني
:)
Post a Comment