نادمه
لنّي فقدتك .. نادمه
لنّي خسرتك .. نادمه
والدنيا عقبك عندي صارت مظلمه
اي نادمه
..
من غاب حسّك
مالي صوت
ملّيت من كثر السكوت
والله احس انّي بموت
من كثر مانا نادمه
اي نادمه
..
انا الوحيده اللي خسرت
يا ليتني جيت اعتذرت
مو منّي صدّقني انقهرت
وهذا انا جيتك نادمه
اي نادمه
!!واللي خلقني نادمه
!!واللي خلقني نادمه
منــــــاف نـــذر
46 comments:
هل اتحس انه راح يسامحها؟
انزين و اذا قالت له ام سوري
و اعتذرلك
و بما انك اقرب انسان عندي في هالدنيا و اغلى انسان
فمثل ما انت تستحق حبي
هم انت تستحق اثمن و اغلى اعتذار عندي
و تقوله انا مدري اصلا منو الي اخترع البريك اب
واي لي الحين عقب هالحب و العشرة انتهدد في البريك اب
ليش ما يصير الزعل و ياخذله يومين و ترد الامور طبيعيه
و ما يرد عليها
و يقولها بعدين
دونت ويت
اهني هم بتظل نادمه؟؟
انا بعد يت نادمه لووول لاني من زمان مو زايرتك في بلوقك
يعني ما يحتاي اقولك شكثر كلامك كان حلو
و شكثر اثر فيني
و شكثر بجيت
احس تعتب من هالكلام
بس صدقني مافي كلمه توفي كتاباتك مشالله علييك
موفق يااارب
:D
salamz dear friend...
صباح الخير
ليش تندم هذي انسانه ضعيفه مو قد القرار
للاسف كان المفروض تحسبها بعدين تقرر دام انها ما عندها الجرءه لمواجهة نتايج تصرفاتها
ما اؤمن بالندم واعتقد لو امن الكل انه ما يصير الا الي الله كاتبه والي صار شي مقدر ومكتوب جان امنوا انه الندم ماله داعي
تحياتي لابو خشيم
انا خابر احنا الي
نندم .. مو البنات !!!َء
انا في رايي ان البنت
لازم ما تندم ابد ابد
وإلا .. اشعر ان ما عندها
ثقه بنفسها .. للمستقبل
اشتندم عليه ؟
البنات وايد احسن من
الشباب ..
الجذب والشحاطه والمطالع
كل في الشباب .. وفيهم نقص
فضييييع ..من الناحيه الماديه
يتسلف ..للسفر وللسياره الغير العاديه .. ويمثل الدور على نفسه ..ويصدق نفسه
والله .. الله يعين البنات اذا الوحده
تبي تختار ذو الخلق في
الكويت ..ما تعرف اشلون
تقيمه
طبعا انا لا اعمم ولكن النسبه الاعم هي المنتشره
لا احد يندم من البنات
حتى لا تتحسف على الندم
ما يطوف شهر الا وهي متحسفه
على ندمها
فمالله
انا الوحيده اللي خسرت
يا ليتني جيت اعتذرت
مو منّي صدّقني انقهرت
وهذا انا جيتك نادمه
اي نادمه
---
الاحساس بالندم قوي خاصة اذا ماكان في امل من بعده وكل شي راح :) على قولتهم " لا فات الفوت ماينفع الصوت "
كلمات حلوه ومعبرة تسلم ايد كاتبها
انت رائع يامناف وكلماتك أكثر روعة
,,,
بس الأهم لما تكون نادمة هل يسامحها الحبيب ويفتح معاها صفحة يديدة
؟؟؟!!!
ياريت يعرف ان الدنيا ما تسوي
و هم ابعاد عن بعض
الندم زين
عالأقل فيها دم
مساء الخير
شعور مؤلم الندم
:/
ندم وحسره
ولا عاد اذا صارت على ناس ما تستاهل ولا تسوه
تندم على عمرك الى ضاع مع ناس مو كفو
:/
قلبت المواجع يا مناف الله يسامحك وعورنى قلبى
:((
!!!!ندماااانة
كلمة وايد صعبة تنقال
بس ماقالتها الا لأنها تحبه وتموت فيه
.وتبيه يرجع لها
هو الأنسان كم مرة راح يعيش في حياته؟؟؟
آنا مادري شنو يبي أكثر من الندم جات واعتذرت واندمت واعترفت ابغلطهاوقالتله الي تامر فيه راح أسويه
......بس
مو راضي يسامح
.
.
.
lawyer
قالت شئ وايد عجبني
"""
ليش ما يصير الزعل و ياخذله
يومين و ترد الامور طبيعيه
""""
اي والله مادري ليش
.
مناف انت عجيب وكتاباتك حلوة
والله كأنك حاس فينا
أي موضوع تكتبه يدخل في قلوبنا علي طول لأنك تكتب من واقع حياتنا
الله يحفظك ويوفقك
:)
Miss Polo
نـــادمة ولا ندمــانة؟؟
مناف .... منو الي أقوي؟
شنو هذا مناف ليمتا وانت امعذبنا بكتاباتك الجمــيلة الي تعصر قلوبنا واتبجيــنا
خذيت بندولتين اكسترا من البجي
.....
بس تدري مناف لولا الألم والفراق كان
ماحسينا بطعم الحب ولذته
وعندي تعليق علي اجار الدين كشمش اذا تسمحلي مناف
؟
أجار قال
:
"""
البنت
لازم ما تندم ابد ابد
وإلا .. اشعر ان ما عندها
ثقه بنفسها
"""
من قال هالكلام آنا لاأؤيد رايك يا أجار لأن الندم ماله علاقة لا في بنت أو ولد
الأنسان مو معصوم عن الخطأ ومو عيب لما يعترف ابخطأه ويندم ويعتذر بس المهم الطرف الثاني يتقبل هذا الندم والأعتذار
مواضيعك اتشوق وحلوة اتخليني لازم أمر باليوم أكثر من مرة علي بلوقك
الندم
اصعب شي ان الواحد يعترف انه ندمان حتى لو لنفسة
شنو معزة هالشخص اللي ممكن الواحد يعترف بندمه جدااامه
سلمت يداك
^_^
مساالورد لاحلا واغلا ورد
منووووف
الندم هو بداية لتصحيح المسار الخاطيء
والرجوع لدرب الصواب
دمت بدفء وعذوبه
ابدا
:)
بو النيييييييف
من زمان ما ادري عنك
:)
ابى اقولك شى
كلماتك طبعا لا غبار عليها
نار النار
بس ذكرتني كرد عليها تدري شنو؟
اغنية حسين الجسمي
شوفي شموخي ترى غالي معي ذاتي
قلبي شموخه يساوي ألف من ذاته
إن كان تقصر خطاه بعيد خطواتي
يلعب عليك و طموحه بس غاياته
قلبك يعيشون فيه اثنين هيهاتي
ترضين قلبي يسوي مثلك سواته
عندي تقولين وحدك كل رغباتي
و عنده تقولين ما نبغي علاقاته
صحيح كنتي بقلبي لي بداياتي
صحيح كنتي بقلبي كل حاجاته
دايم أداري المحبة بكل حالاتي
شخص هويته مديم في مداراته
كلامي يوصل شوفي كيف وقفاتي
قلبي بفضيه من حبك مساحاته
عادي طبيعي مزاجي مول ما أحاتي
من خان بعته و أعجل في نهاياته
اجار الدين كشمش
اللي بيطرش لك هدية على هالحجي السنع شلوووووون
:D
---
اخوي مناف
تذكرت اغنية حق انغام انت قول شنو الرابط العجيب
غلطتي اني خسرتك انت يا فوزي الوحيد
قلت لي بس ما فهمتك كنت احسب انك اكيد
و كنت
مغرووووووور
و عنيد
وسلامتك
:)
كل شي الا المكابرة على الاعتذار
اشوفه خلل في الشخصية و قل عقل
خاصة اذا الطرف الثاني طيب و يقدر كلمة اسفين
من غاب حسّك
مالي صوت
ملّيت من كثر السكوت
والله احس انّي بموت
من كثر مانا نادمه
اي نادمه
..
شلون ما تندم واهي مزعله اكثر الناس احساس وذوق وحب واحترام يا مناف
الا نادمه ونص
نصيحة اخت
سامحها
:)
رووعه
ولو اني مااييد الندم
حلو نستفيد من أخطائنا بدون ندم :)
lawyer
اللي تامرين فيه يصير افا عليج
:)
والله يا فاطمه حسب الموقف
في زعل ينتهي بلحظات
وزعل لازم ياخذ وقته
في كل الاحوال الا مانرضى ونسامح
كبير اللي يتسامح
والا شرايج
:)
5roofa
مشكوره على احساسج بالذنب
لأنج مقصره معاي
شوفي جم بوست انتي مطوفته
هاااااااااا
:)
انا مسامحج
magnoonah
انتي مجنونه محّد يشره عليج
:)
لا تندمين
_________
شدعوه هامني ندمج
يا ام كشّه
:)
اجار الدين كشمش
شعلاقة الندم بالجنس
ماهو بالنهايه كلنا بشر
ومعرضين للخطأ
والاعتراف بالذنب فضيله ياخوي
نعم بعض ما ذكرت اوافقك عليه
لكن مسألة انك تشوف المرأه اللي تندم على فعل الخطأ
غير واثقه من نفسها فاسمحلي عزيزي
هذي مو مره
هذي .. كتلة لحم كاسيه قوام امرأه
يا اجار يا حبيبي
المرأه التي تبحث عنها
تستسترونها عالي
ملاحظه: التستسترون هو هرمون الذكوره
اتمنى ان اللي بتاخذك ما تسمع كلامك
في امان الكريم
:)
Selezya
تسلم روحج
:)
لا يكون تذنبين وما تعتذرين
اتفقنا
:)
baskoota
تسلمين والله
لو عندها شك انه ما راح يسامحها
جان ما يت واعترفتله بذنبها
:)
kila ma6goog
والله محّد فاهمني كثرك
:)
حبيب يا بو سلمى
charisma
سلامة قلبج
الله يسامحني
:)
اي والله لو الانسان يضيع عمره مع ناس ما تقدره
اكيد بيندم
عساج ما تندمين يا رب
:)
Miss Polo
من قال انه ما رضى عليها
:)
انا قلت اللي اهي حاسه فيه
بس ما كملت
:)
سندس
بندولتين باليوم تمام
:)
نادمه
____________
لولا الملح والسكر
ما كان للحياة طعم
:)
Eng.Petroleum
طبعا له معزه كبيره
كانت محاوله منها لاحتواء الخلاف
والمحافظه على استمرارية العلاقه
:)
سلمت روحك
يا مولينكس
فراوله
الندم بداية لتصحيح المسار الخطأ
يا سلام عليج يا فراوله
:)
دا انجليزي يا مرسي
Mishari
يا بعد روحي يالمشري
:)
انا اتابعك لا تحاتي
اغنية حسين الجسمي هذي
يت بمكانها الصحيح
قول لهم
:)
a7La eNG
يبه نقدر كلمة اسفين
والله نقدر
:)
بعدين قعدي راحه
اذا بتشترين هديه
فانا اولى فيها
يا حلا المهندسات كلهم
لو انتي مكانه
بترضين
؟؟
:)
بوسه
والله مو انا
انا مالي شغل
انا مو زعلان على احد ولا احد زعلان علي الحمدلله
:)
لا تحاتيني
乂♥Not.ViRGo♥乂
عساج ما تندمين انشالله
:)
ملاحظه من فظلج
شيلي الاغنيه اللي حاطتها بالبلوق عندج
منرفزتني
:)
manaaaaaf
من زماان عنك
الله يجيب الندم ..
يتخذ قرار لازم يكون قده و مفكر فيه الف مره قبل لا يتخذه ...
مساالورد لاحلا واغلا ورد
منوووووووووووف
انجليزي ونص بعد
شرايك فيني
دمت بدفء وعذوبه
ابدا
:)
Shather
انتي قاطعه الله يهداج مادري شفيج
:)
اي يبيله قرار مصيري
انا لا تعلميني
لاني ما اعرف ازعل
انسى كل شي بضحكه
بس تكون من قلب
مو صفره
:)
لا تقاطعين
ترى المكان موحش بدونكم
:)
فراوله
:)
مورسي الزناتي اتهزم يا رجاله بالانجليزي
:)
__________________
يه يه يه
منوّر البدع اليوم هااا
شعندهم ب سراي
عشا عمل والا تعارف
هي هي
عموما عليكم بالعافيه
بس جان ناويه تعيدينها مره ثانيه
قوليلي
عشان اييب كاميرتي
وانزل فيج بوست كامل
:)
عيني عليج بارده
تمااااااام
عجبني كلامك لما قلت
:
ــــــــــــــــــــــ
لولا الملح والسكر
ما كان للحياة طعم
ـــــــــــــــــــــــ
وانت سكر البلوقات يا مناف
كتاباتك الرائعة اتخلينا لازم انمر علي بلوقك كل يوم
نتصرف تصرفات دون تفكير
تأخذنا العاطفة .. الكرامة .. قبل معرفة العواقب أو إحكام العقل
ومن ثم يأخذنا الشعور بالندم .. وغالبا ما يكون قبل فوات الأوان
مبدع يا مناف
وفي ناس
يندمون
لأنهم ماتنازلو عن حقهم
وخسرو من كان حقهم
ولا شرايك
يعطيك العافيه
baskoota
مكانج يا بسكووتا
:)
تسلمين يالذوق
تستاهلين مطّارة شاي حليب
مع البسكوت تمام
:)
SHAHAD
بين اللي يحبون بعض مافي شي اسمه كبرياء
هالاشياء يمحيها الود والحب
اذا في احد الحين مهتم بكلامي
لا يضيع وقته بالمكابر
خل يتأسف لحبيبه لصديقه لاخوه لابوه امه اخته
والله ترى الدنيا كلنا فيها زوار
اذا ما عشناها بحب
بنخسر وااااااااايد
نعم كلنا نغلط
لأنه احنا بشر
بنتم نغلط
وبننطر احد يسامحنا
ليش ما نسامح
:)
Sn3a
ما نحس بقيمة الشي الا لما نخسره
ما نوعى على روحنا الا والدموع مغرقه عيونا
الحياة محتاجه لمرونه
التعصب بالمواقف والهجوم على الناس والتعدي عليهم لغة الغابه
تدرين سنعه
في شي ما كنت ابي اتكلم فيه بس شكلكم حديتوني
عندي واحد من ربعي تقدرين تقولين عنه اخو دنيا
كنت دايما اخذ رايه بكل شي
بقصايدي باموري الشخصيه بهمومي ومشاكلي وافراحي
بكل شي
عرفني على واحد من اهله
كان المفروض يكون بيني وبينه عمل اذاعي
واشتغلنا مع بعض من احسن مايكون
من كثر ما رفيجي غالي علي اغليت كل اهله
بما فيهم الشخص اللي ذكرته
كان كل همي اني اطلع بصوره زينه وما اقصر بشي
ولانهم اثنينهم يستاهلون
بعدها بفتره استغربت من ردة فعل ولد عمة صاحبي
على كثر ما كنت اتباها فيه
لقيت كأنه فيه غل علي
قعدت استرجع كل الشريط
تذكرت مواقف كانت بينا كنت فيها وايد ايجابي معاه
واذكر مره كنا قاعدين بالاستديو وصار موقف بين ولد عمة صاحبي وبين مذيع معروف وهم الثاني رفيجي ما خليت السالفه تعدي الا وانا ماخذ حقه
مواقف كثيره كلها كانت حلوه
بس سبحان الله
فجأه
كل شي انمحه
تخيلي
_______________
شنو ممكن الدنيا تخبي لنا
ناس كنت اعتبرهم ربعي
واللي يضحك بجد
قبل فتره قريت لواحد منهم خبر عني
اني بما معناه اقل من شاعر
واني اتكلم عن الحب بدون لا اعرف معناه
واني مصدق عمري يعني نزار
:)
قعدت اتذكر رايهم قبل بقصايدي
شكثر كانو يحبونها
ورسايل كانت اتيني لما كنت اطلع على الهوا
باني املك موهبه مميزه وصوت جميل
:)
يا مقلب القلوب
:)
الدنيا ماشيه يا سنعه
الله يوفقنا
مناف حريتني علي نفسك
:(
ـــــــــــــــــــــــــــ
هذا الشخص الي قال عنك انك
اقل من شاعر
وانك اتكلم عن الحب بدون لا تعرف معناه
وانك مصدق عمرك يعني نزار
ــــــــــــــــــــــــــــ
واضح ان هذا الشخص يغير منك وماهو عارف شنو يسوي لأنه انسان ضعيف وحقود
وفاشل.
انت شاعر غصبن عليه
وخله يتعلم الحب منك
وان كان فيه شخص اسمه نزار ,تري في واحد اسمه مناف,
منااااااااااف
والنعم فيه
Note:
مثل ما يقولون اخوانه المصريين
امسحه ابأستيكه, وعلي الجزمة الأديمة
baskoota
لا يضيق خلقج ولا شي
:)
اهما عارفين انا منو
بس ساعات الفضاوه تخلي الانسان يقول اشياء ما يثمنها
بعدين منو نزار هذا
:)
طبعا انا احسن منّه
واحلى بعد
لوول
والا شرايج؟؟
أفا عليك أحلي منه من قلب
:))))
لا وصوتك حلو بعد
:))))
كامل والكامل الله
:)))
المناف
شاعر الحب
:)
متي كنت تطلع علي الهوا ؟ووين؟
Post a Comment