من الاحلام اللي تراود اغلب البنات
اهو انها تحصل على فارس احلامها
منهم تتخيله بأوصاف معينه
طويل - عريض - اسمر - جميل - غني - مثقف .. الخ
ومنهم تاركه المسأله على البركه
اللي ايي من الله حياه الله
الا انه التفكير ان غاب عن البنت .. ما يغيب عن الام
او العمّات او الخالات
عدد الأثرياء بالعالم ما يتعدون الخمسين
وماشالله الكل حاط عينه عليهم
..
في عوايل الجشع عامي عينهم
يحسبون اذا زوجو بنتهم حق واحد غني خلاص
بتتوفق
راح تشتري كل شي بخاطرها
من جناط وهدوم وعيالها بيدشون مدارس خاصه
وبتركب بورش وبتسافر كل سنه دوله
و و و و
في مثل فلسطيني دايما استخدمه بهالمواقف
يقول : العز على النوَر .. بهذله
..
الحين يعني انا اذا قلت هالكلام بصلح الكون
طبعا لأ
بس اهي كلمه ممكن تفيد شخص او يمكن تأثر بمشاعر ناس قاعده تتعذب لنفس السبب
..
انا ما اقول ان الكبّاريّه سيئين
والّا يخونون حريمهم
لكنهم عرضه لضعاف النفوس اللي ما يفكرون الا بالماده والفلوس
..
في بنت حبت لها واحد ولد عز
البنت كانت حالتهم الماديه عاديه جدا
كان اكبر همها انها تتزوجه
وعشان توصل لي هالمرحله
لازم تمر بمراحل ثانيه كثيره
ضحت بوايد اشياء
كانت تطيع كل شي يطلبه منها
تكشت بمحاضراتها عشان تطلع معاه
تقص على اهلها وتحط نفسها بمواقف محرجه
بس عشان ترضي غروره
ادخلت بسكه مو سكتها
عاشرته معاشرة الازواج
وعاشرها معاشرة الانذال
داس عليها بأحقر وارخص احذيته
اللي يرخص نفسه .. ترخصه الناس
اهي كانت تفكر شلون ترضيه وتحقق حلمها بأنها تكون زوجته
واهو يفكر شلون يقضي عزوبيته بطريقته الخاصه
لين تتخرج بنت رفيجة امه اللي من مواخيذهم
عشان يتقدم لها ويتزوجها
!!
..
انتهت القصه السخيفه
انشالله القى من يتعض منها
..................................................
كلام خاص
لانسانه عزيزه على قلبي
بيني وبينها ايام حلوه .. ومواقف ماني ناسيها
انسانه تجمعني فيها صداقه واخوه ومعزّه
ولهت على ايامنا الحلوه
ولهت اسمع سوالفج
ولهت على عزايم الاكل
ما كنت اتصور انه في شي ممكن يخلينا نبعد كل هالمده
ساعات اقول احسدونا والله
انا ادري اني ماني ملاك
ومعرض للغلط
ونفس الشي انتي
!!
انا مو ياي اعاتب
ييت اقول
اني بجد فاقدج
وهم بخاطري اقول كلمه
ومن قلبي
انشالله تلقى لقلبج مكان
هذي الاغنيه احبها
وحبيت اهديكم اياها
29 comments:
احم احم ماكو احد
انا اول كومنت
بالنسبه حق احلام البنات
ذكرتني ايام الثنوي لما كنا نتكلم عن فارس الاحلام كنت اقول بس ابي واحد يحبني رفيجاتي يضحكون علي يقولي بالله بس تحبون بعض و بعدين ؟
شلون ماتبين تسافرين ؟ماتبين سياره كشخه
كانو حيل يختلفون معاي بهالشي
اهم شي الحب و ان نكون متفاهمين
:)
يسلموو
ولهت على عزايم الاكل
هذا اللي هامك؟
ma6goog ( loooooooooooool )
عشانتعرف الرياييل ماهمهم إلا بطنهم
manaf :
بقولك سالفه صغيره
كانت وحده من اللي أعرفها بالجامعه لها نفس التطلعاتليما خذته اللي في بالها
اطلعت ن الجامعه و ما كملت لأن خلاص يصرف عليها
بعد سنه وحده و أنا على أبواب التخرج
دقت علي
ألو؟
و السلامات و الذي منه
و بعدين شنو تهقي قالتلي؟
ريما؟؟
أدري تهمج دراستج من أي شي ثاني و أنا داقه عليج أقولج بعد ما تتخرجين انشاء الله
تبين واحد حمار فلوس؟
حزتها ما أدري شنو معناة هالكلمة
رحت و كلمت أمي و فهمتي الحياة بكلمة وحده
كلام أمي:
يا بنتي لفلوس تروح و تيي
و لكن الريال أهوا اللي يتم
اللي باوصله مناف ان هالنوعيه من البنات بكل بساطه تستاهل اللي يصير فيها
و ترا أكو بنات تلاقيها مو ناقصها شي و بنت خير و نعمة بس تبي زود
و ربي صدقني عارف بنيه كل واحد و يعطيه على نيته
للحب مفاهيم وايد مو مثل ما الناس فاهمين
الحب مثل السعادة تختلف معانيه واسبابه مع اختلاف الشخصية والبيئة
مثل ما الناس السعادة عندهم الفلوس والجاه
في ناس عندهم السعادة الاسرة والبيت
ومثل ما ناس عندهم الحب ان الطرفين كل واحد منهم مثل ما ياخذ يعطي ان كان من فلوس او مشاعر
في ناس عندهم الحب انك تضحي حتى لو على حساب نفسك في سبيل الاخر
مو مهم انت
المهم انك تفكر فيني انا شلون اعيش
ولكل شخص عنده مفهوم معين عن الحب راح يرتاح اذا لقاه
اما عن الغالية الي فاقدها فاهديك هذا الشعر
رُدت الروحُ على المُضنَى معك
احسن الايامُ يومٌ ارجعك
موقعي عندك لا اعلمهُ
آه لو تعلم عندي موقعك
يا نعيمي وعذابي في الهوى
بٍعذُولي في الهوى ماجمّعك
نامت الاعين الا مقلتةٌ
تسكبُ الدمع وترعى مضجعك
malak
:P
تفضلي حياج حياج
..
طبعا احلام المراهقات دايما ياخذ هالطابع من حب الثراء وتحقيق مالم يستطع الاهل تحقيقه
لكن كل هذي الاحلام تبدى تتلاشى من ينضجون شويه
..
انا بفهم
ليش اذا فكرو بسيارة الاحلام
اول ما يختارون .. بورش
ليش مو تاهوو
:))
..
يسلم قلبج على المشاركه الحلوه
ma6goog
اصلا اللي محببني فيها انها تعز الاكل مثلي
..
عندنا اهتمامات مشتركه ثانيه
بس هذا اهمها
..
وبعدين بطّل دفاشه
ودي مره تعلق عدل
Яeema
ريم بنتحر
كتبت لج رد شطوله وشعرضه
حسافه ما تببلش
:(((((((
قهر والله قهر
..
عموما شكرا لنورج اللي ملا هالمكان من يديد
:)
بتاح ... آلهة الفنون
شكرا لمشاعرج الجميله
شوفي اختي
انا ما اقوول انه مو من حق احد انه يطمح للافضل
لازم الناس تعيش مثل ما تتمنى
والحق بالثراء والغنى مطلب اساسي لكل الناس
ومتاح ايضا للكل
خزائن الله سبحانه لا تنضب ولا تفنى
الاغنياء اللي على ايامنا مالهم وجود اليوم
لانه يو ناس غيرهم كان عندهم حلم انهم يكونون اغنياء
وبالمستقبل ايضا ما راح نلاقي اغلب الاسامي الموجوده بالساحه
..
بس نيل المال ما يكون بالزواج من شخص ما يجمعني فيه تقارب فكري ولا عاطفه ولا امل بالاستقرار الاجتماعي
هذا كان قصدي
وادري انك فاهمته عدل
..
اما بالنسبه للابيات
فشكرا لكاتبها ولناقلها ولحافظها ولقارئها بعد
:))
احبك
منااف القصه مووسخيفه خوووش قصه فى نااس انذال وماايستحوون مااعندهم ذمه الكباااريه كلامه تنقاال بس اهمااا بالوااقع لا لا للاسف اهماا ناااس همها ونااستهاا ... وعلى طااااااارئ احلام البنات انه اقول الى من الله حيااه الله عااد موو اي شخص يكوون زين وخاايف الله لان الى ماايخف الله البنت بتضيع معااه وسلامتك :)
اشوة انك قلت اغلب البنات مو كلهم والا جان سويتلك سالفة:p
امزززح
وان شاء الله ترد مع هالانسانة مثل قبل واحسن :)
عدل عدل مناف
يبا انت كلك صح
شوف انا وحده خذيت طراق من الحب :)
وبكل فخر انا اقول
خليها على البركه
لووووووووووووول
شرايك فيني
;ppp
===
الله على الاهداء
ذويق
:)
بو النيف حبيبي
اولا تسلم على رثاء المعوشرجي ابدعت ودمعت عيونا والله
ثانيا الزواج الحين صار زواج مصلحه وفي رياييل هم يتزوجون على مصلحه ناهيك عن الوافدات اللي يبون يتزوجون كويتيين عشان يحصلون على جنسيتنا اللي ما بقى فلبينيه ولا مصريه ولا مغربيه ما خذتها
اخيرا
ما ينزعل منك
ومثل ما عرفنا عنك بقلبك الابيض
ولو بيدي جان رحت حق الاخت اللي زعلانه منك وتليتها من شعرها ويبتلك اياها عشان ترضى
بس عسى ما تقرا اللي كاتبه وتزعل عليك اكثر خخخخخ
لا انشالله بترجعون مثل قبل واحسن
وبشرنا اذا تصالحتو
واذا تبيني واسطة خير انا حاضر
(]،:
بو النيف حبيبي
اولا تسلم على رثاء المعوشرجي ابدعت ودمعت عيونا والله
ثانيا الزواج الحين صار زواج مصلحه وفي رياييل هم يتزوجون على مصلحه ناهيك عن الوافدات اللي يبون يتزوجون كويتيين عشان يحصلون على جنسيتنا اللي ما بقى فلبينيه ولا مصريه ولا مغربيه ما خذتها
اخيرا
ما ينزعل منك
ومثل ما عرفنا عنك بقلبك الابيض
ولو بيدي جان رحت حق الاخت اللي زعلانه منك وتليتها من شعرها ويبتلك اياها عشان ترضى
بس عسى ما تقرا اللي كاتبه وتزعل عليك اكثر خخخخخ
لا انشالله بترجعون مثل قبل واحسن
وبشرنا اذا تصالحتو
واذا تبيني واسطة خير انا حاضر
(]،:
اي والله يا كثر الي يحلمون بهالسوالف السخيفه والسطحيه
بالنسبه لي الاهم الالتزام الديني المتوسط والاخلاق فوق كل شي
هاي كيفو
حلوه الصورة حدها كيوت وحلو الواحد ايتاسف بس ايتاسف وهو عارف شنو السبب وتلت الشعر حدها معبره والقصه بايخه وكييييفي هذا احساسي انا
Anonymous 1
thanx
7abbetek el 3afya
;)
Anonymous 2
بعض الكباريه
مثل الحجر
ان طاحوا عليج عوّرووج
وان طحتي عليهم عوّرووج
..
احلام البنات احيانا تييب لهم البلاوي
:))
كبرياء وردة
اي ما اقدر اعمم
والا بينولني سخطهم
وانا بغنى
:))
..
انشالله
تسلمين من طيبج
why me
رايي فيج انج شيخة البنات
اي خليها على الله ابرك
..
هذي الاغنيه حابها
وعادتي اشارككم باللي احبه
اشوه انها عجبتج
:))
القعود
حبيب قلبي
المرحوم محمد المعوشرجي انسان طيب بشهادة اصحابه واللي عملو معاه
انا بصراحه ما اعرفه شخصيا
ولكن بعد طلب من اسرته الكريمه
اخذت منهم بعض المعلومات عنه
وتأثرت جدا لقصته
رحمة الله عليه
..
انشالله اكون عند حسن الظن دايما
اما عن ختام كلامك
يعني لو عندي امل 50% انها بتتحسن الامور
انت الحين عفست الدنيا
:))
الله يسامحك
Makintosh
عين العقل
:))
خير الكلام ما قل ودل
Anonymous 3
اي صوره فيها الاولى والا الثانيه
انا عن نفسي ما عندي مشكله اني اتأسف
لمجرد احساسي بالاشتراك بالغلط
بعدين ياما عدت نفس الكلمه
لجل عين تكرم مدينه
ولوما غلاتها ماتأسفت جدام الكل
..
وتلت الشعر انا بري منها
هذا القعوود الله ياخذ ابليسه
!!
ويه شخباري حصان ابيض وفارس مغوااار
مادري بالنسبه لى ماكو صوره معينه في بالي اهم شي يكون مقبول لان ماكو احد رسم فارسه وناله بالواقع يمكن لان الواقع غير عن الخيال
المهم
بالنسبه للقصه اكيد فيها عظه
للى يقراها وياما ناس غرتهم مظاهر الدنيا والفلوس وبالاخير ندموا
يعني اهي هم ماعندها سالفه مبين اشكره انه مايبيها لو يخاف على مصلحتها جان ماضيعها وراح
المهم
انشالله العزيزه على قلبك ترجع :)
للاسف اختلفت موازين الحب خصوصا بهذا الوقت ..
وصارت الفلوس اهم من أي شي ..
صار الحب غريب بينا ..
إنشا الله ترجع المياه لمجاريها ..
بس يظل الزواج أو أي علاقه اساسها الحب تكو أقوى وتدوم أكثر ..
افا بوالنوف انا اخرب :)
بترجع بترجع لا تحاتي اهيا طيبه وحبيبه وغاليه شتبي بعد جذي احسن
خخخخخخخ
ياللي زعلانه من مناف يبا خلاص مسحيها بويهي الريال يعزج والله شوفي يتذكرج بالخير
في هالزمن ما تلاقين احد يعتذر واهو اعتذرلج جدامنا
يالله ردو :)
:))))
اح احم احم انا كاني ييت
والي اقصدها صورة البير لصغير
انا الي كان حارني شي انت عارفه
عموما راح والحين مافي شي فبالي والاسف مو اهو الي ردني وحشتني البلوج فرديت
×××××
وناسه
محد يستاهل
وان شاء الله
صديقتك تتقبل اعتذارك
موفق
ها ببوالنووف بشر انشالله تصافيتو
قاعد احاتيك
^ _ *
Post a Comment