Thursday, May 27, 2010

الجو يبيله انت


في العلاقات اجمالا لازم يكون في فترات تمر فيها الناس بفتور
في هذي اللحظه لازم نحاول ان نختبر مشاعرنا
لما نوصل لي هالمرحله يتوجب ان نعيد استنشاق مشاعرنا
لا باس ان نبعد شويه
نعطي روحنا فرصه على الاقل نفكر
نشتاق
نوله
نحس بقيمة حبنا
احنا ملوليين .. ودنا بكل شي .. وبس يتوفر بسرعه نزهق
..
وايد اسر نلاقي فيها الزوجه تروح بيت اهلها تبات بالاجازه
او تروح الشاليه على سبيل المثال
..
هذا ينطبق على كل العلاقات تقريبا
حتى لو ما كانو ازواج
..
الوله ما له وقت
ياما علاقات انتهت ودارت عليها سنين
بلحظه ومن بعد كل هذا الوقت نلاقي نفسنا ولهنا
الحلو بالموضوع
احيانا من كثر ما العقل له القدره على حفظ الذكريات
نلاقي نفسنا نتذكر حتى ارقام اللي نحبهم
واذا مو حافظين الرقم تلاقونه حافظين ترتيب الرقم تقريبا
ايي وقت ونتصل
حتى لو واحنا مسافرين ساعات
نتصل من ارقام دوليه بس عشان نسمع على الاقل الصوت
شياطين اللي قاعدين يبتسمون الحين
:)
..
وايد ناس مرو بتجارب حب وانتهت
اللي يضحك انه لما يلتقون بعد فتره .. يصيرون مو متاكدين انهم صج حبو بعض والا لأ
ويتعاملون مع بعض على اساس اخوه او صداقه
..
بعد مده
وبلحظه جميله
كانت تمشي فيها على يال البحر
قدر الهوا انه يلمس ذكرياتها
وينقل لها عطري
عطري اللي تحبه
خلاها تمسك بيدها الموبايل
وتتصل
عشان تقول لي
اقول لك شي
كل شي فيك احبه
حتى غيابك
دايما اتذكرك
صرت اشوف ملامحك بكل مكان
انا الحين قاعده اتمشى بروحي عاليال
الجو خيال
يبيله انت
ا

17 comments:

why me said...

ناطره انا

Anonymous said...

looong time 3anik... ;)

M

basees@bloggspot.com said...

أتصور الأأمن أنك تحدد منو هاذي "الأنت" اللي تبيها علشات لاتجيك وحدة ماتصلح للجو إلّي في بالك، لاأنت يخيب ظنك ولاتحسس غيرها بأنها مرفوضة

Good luck

MANAF said...

why me

انا ناطر بعد

:))

احس الجو الحين كلش ما يبيله انت

MANAF said...

M

انا صاير موودي

:))

عادي تحملو مزاجيتي

MANAF said...

بصيص

احنا نتكلم للكل

:))

مابي احدد

خلها عايمه

Crevolv said...

.تتوقع كل كلمة تكتبها تمر في حياتك
وهذا سؤالي وأترك الاجابة أختيارية صج انه فضول بس ودي اعرف شعور الشاعر ليما يكتب

MANAF said...

M

كل كلمه اكتبها احس فيها

احيانا خيالي يخليني اعيش القصه بجد

وكأنها صارت لي بالفعل

:)

Anonymous said...

وناسه
يشوق بس اتهقى صج وحشتني

الجودي said...

في مقولة مفادها البعد يسبب الجفا و ينشف المشاعر و مثل ما يقال البعيد عن العين بعيد عن القلب

واتفق معاك بحديث الذكريات و الأجواء الي تصحبها لنا و اتغلغلنا في أجواها

زيارة أولى استمتعت فيها و بانتظار الجديد

bokeh of magic * said...

مشالله كلامك وايد حلو ليش موقف كتابه كمل .. :)

حَافِـيَةُ الَقَدمَيّـنْ ولِبَاسِي المَطـرْ said...

مناف باللي تكتبه شي يجذب
سبحان الله من دخلت المدونة
قريت كل المواضيع
اسلوبك جداً سلس

ننتظر المزيد :)

fleur de Rif said...

حب!

وى كير said...


thank you

مدير موقع وى كير جيرماني




المتحدة لخدمات الاستضافة said...

thank you

مدير موقع المتحدة لخدمات الاستضافة

الموسوعة المعرفية said...

thank you
مدير موقع الموسوعه المعرفيه

الرضا لنقل العفش said...

thank you

مدير موقع
الرضا لنقل العفش