مـــود راحـــه

يالله انّك ترزقني في بيت حلو مثل هاللي بالصوره

وتجمعني فيه انا مع ام عبّادي وعبدالله ولين

اللهم آمين

قولوا آمين

:)

________________

نصيحه

روحوا فيلم

في محطة مصر

هذي الممثله انا احب تمثيلها

واحب شكلها بعد

:)

http://www.youtube.com/watch?v=_RL__JYbA4U

__________________

محتاج راحه

قاعد اعد لبرنامج اذاعي

بفكره يديده ومضمون يديد

وعلى محطه اذاعيه كويتيه يديده

راح اعلن عنّه من اتّم الموافقه عليه انشالله

وهم محتاج ارتاح شويّه بيني وبينكم

أيّام وراجع لكم

طابت أيامكم

يــــــــوم َ زِفـــــــافي

تحديث

القصيده كامله

:)

لعيونكم طبعا

اعلمُ كم اصبَحتي تخـَـافــي

من أن يأتي َ يوم َ زِفافــــي

فابكي مثل َ بُـكائي عليــــكِ

ف يومَ رحيلي هو الإنصافِ

سيأتي زمان ٌ تنوحــين َ فيــهِ

ستُلقين َ لومـا ً على الأعرافِ

كما كُنت دومــا ً أحِـن ُ إليــك

اتـاك ِ شعوري بيوم َ زِفافـــي

أتـــيتي تـَقـــولي أُريـدُك حـراً

عشيقي غَريمي حياتي مَنافـي

سأُهديك كونــا َ جَميلاً يُجـيــدُ

الذُبـولَ العُـذوبَة َوالإرتِجـــافِ

أتـيتي تقـولي سـأُهديـك لـــيلاً

سأُعطيكَ ( .... ) أليسَ بِكافـي

غريبٌ أتُهدينـي شيئـا ً لِغــيري

أتـُهدينـي ذنبــاً بِــهِ إقتِرافـــــي

أمـــا تــعـلمينَ بـِـأنــي زكــــيٌ

فبـينَ الـحـرامِ وبيـني اخـتـلافِ

عــزائي الـوحيدُ بأنـّـك جِـئــتـي

إلــيَّ حــزيـنَه بِيــومَ زِفـــافــــي

ولــكـنـي أعـلــمُ أنَّ الــــزمــــانَ

بِـذات الـجـروحِ سَيـأتي مـشـافي

وأعـلــمُ أنـّـي ســأُبقـــي بـقـلـبِـكِ

حُـبــا ًجمـيـلا ًطـُـوال َالـمـطـافِ ِ






منــــــاف نــــــــذر

ما نكلّم بعض

تحديث

لعيونكم

القصيده كامله

:)

مدّه عدّت واحنا ما نكلّم بعض

كان همــّي فيها انــّك تتّــعـظ

انـــا لمـــّا جيتك كانت نــيــتي

يـنـسى قلبك همّه لكـنّه رفـض

..

مــا حــلالك هــالبعاد إلاّ مـــعي

وانتا تدري كيف حبــــّك انفرض

لـــسّه عيني تنطر إنــّك ترجعي

لسّه قلبي لي طرى اسمك نبـض

..

يـــا طفل في داخلي لــو تسمعيـه

قــال احبّك صــوته اوّل ما لفــظ

بعده يتذكـــّر مـــكان ٍ كنــتي فيــه

ولو هو مــر طيفك تلاقـين انتـفض

..

يــالله قولــي مــا تبيــني وارفضــي

وشــوفي مــن فيــنا بوعده هو نقض

هــالـــكلام اللــي بـقـولــه احــفظيه

مـــا يفرقنـــا زعـلـنــا عـــن بــعض

مـــــنــاف نــــــذر

_________

بس لأنكم تستاهلون

ولأني اثق فيكم

نزّلت النص كامل

وبيني وبينكم

لأني وثّقته

:)

عليكم بالعافيه

الحين عطوني رايكم

اختبار الحب

اختبار الحب صعـــب

يبتدي بـــصح وغلــط

ثمَ اشـــــرح ثـــمَ علّل

ثمَ اكـمـــــــل النـــقط

ما نجح بالحـــب منهو

ماخذ الـــــدنيا عبــط

وابتدى يحل الـــسؤال

وفوق اجابـــاته شخط

والمصيبـــه ينطر الرد

وهوا داري انه سقــط

يحسب الكــــل ايتساوى

مـــثل اســنان المشــط

يا حبيـــــبي شويّه فكّـر

قـوم وارسم لك خطط

شوف غـيرك كل واحد

يتــبـــع بـحبــه نمـــط

طبّت الــناس اسبـــحت

وبعدك انــتا عالمـــنط

لازم اتــعرف ان بالحب

مافي حـــاله بالوســط

امّا ناجح والاّ راســب

مــــاكو غـير هذا فـقـط

منـــــاف نـــــــذر

يتـيـمـــه

بأمسيه من امسياتي

قلت لي شغله قديمه

عن علاقة والدي فيني

عسى ربّي يديمه

وقمت اذكر طيبته

وحبّي لاطباعه الكريمه

وآتباها بطلّـــــته

وشلون له قدر وحشيمه

..

والتفت فجأه لقيت

مابين جمهوري وسيمه

اجرحت خدها الدموع

وبعينها دنيا عتيمه

..

المهم انّي سكت

وقلت اخلّي لنفسي قيمه

خلني اسألها اكيد بقلبها

ذكرى ألــيمـــه

وتوني بسألها .. أشهقت

شهقه اكسرت قلبي بصميمه

ادمعت عيني .. وسألت اشفيها

قــالـــولي يتيمـــه

وكل شي من بعد ابوها

عاد ماله اي قيمه

..

كان ابوها مثل ابوك

يحضنها كل ليله ويحبها

كان أُهوْ الدنيا لها

والكون .. طبعا .. بعد ربها

كان من حبّه لها وعشقه

يرد كل من خطبها

ولو في دمعه بعينها

تلقاه أُهو عنها سكبها

..

وبعد موته

كل واحد حولها يه وغصبها

ما بقى من حقها شي

الاّ كل واحد نهبها

راح ابوها

واطمعت الناس فيها وبذهبها

بس بقت صورة ابوها

وذكرى هو بيده كتبها

(يا يبه الدنيا بدونج)

وشغله لكنّه شطبها

!!

وانت قلت في شِعرك

إنّ الدنيا بعدك يا صعُبها

..

كانت النار بصدرها

وجُملتك كانت حطبها

قامت المسكينه تبجي

واتّمنى الموت يحبها

امّا انّك انتا تسكت

او ترد اهيا لربها

امّا انّك انتا تسكت

او ترد اهيا لربها

امّا انّك انتا تسكت

او ترد اهيا لربها



مناف نذر

اعمارنا اوراق تسقط على الأرض

يا موت أدري

دايم تاخذ ارواح البشر

وتغيب

وادري

عمره ما همّك عمر

ولا بتجي بترتيب

________

الناس المتزوجين راح يحسوون بكلامي اكثر لانه هالجمله تمر على اغلبهم

منو اللي راح يختاره الله أوّل

انا والا زوجتي

احنا والا اولادنا

من اللي راح ننفجع فيه أوّل

يارب صبّرنا

ولا اعتراض على مشيأة الله

كل يوم ادعي بصلاتي ان الله ياخذ امانته مني وهو راضي عنّي

اقول في قلبي لملك الموت

ارجوك لا تييني وانا مقصّر

والا مطوف فرض

او متأخر في اداء واجبي

تعالي بيوم اكون فيه طاهر

واخذني براحه

وهوّن على أهلي

فراقي

ساعات افكّر شلون الناس راح يوصلها هالخبر

ربعي ناسي أهلي

كم واحد راح يترحّم علي

كم واحد كان زعلان منّي بيتحسف على رحيلي

كم واحد كان مزعلني بيتأسف على كل لحظه ما راضاني فيها

والاكثر من هذا كله

كم يوم راح يعدي عشان هالناس كلها تنساني

____________

ادري ضيقت خلقكم

سامحوني

ما اعرف اخبي مشاعري

احب ابين كل شي احس فيه

______________

حضرت امس عرض مسرحية

وسميّه تخرج من البحر

للاديبه ليلى العثمان

ضمن فعاليات مهرجان مسرح الشباب

مع اني سامع القصه ولكن كنت ابي اشارك

اصدقائي واعضاء فرقتي بالمسرح الكويتي

جلست مع الضيوف

وتابعت العمل وكعادتي لا استطيع ان اخفي مشاعري

فقد تأثرت بكل لحظه ابدى فيها عبدالله حبه لوسميه

وتأثرت بكل جمله قالتها ام عبدالله بأن الاثرياء خلقو ليكونو عمام لنا

فوسميه بنت الحسب والنسب لن تكون بيوم من الايام زوجه لابن الدلاّله

لن اضيع عليكم القصه فهي جميله وتستحق القراءه

ولكن بعد موت وسميه ادركت كم هو الحب شيء مؤلم

!!

مع صوت النهّام

نزلت من عيني دمعه

____________

لا احب النهايات المؤلمه

____________

القصيده القادمه لم تنتهي بعد

ولكن اسميتها

يتيمه

ارجو ان تعجبكم

___________

اهداء للوير الغاليه

الفنان ياسر المصري

(نمر بن عدوان)

بصحبتي

بلا رحمه

يا دنيا ليه ظلمتيني

على مهلك علي بالهون

اخذتي اجمل سنيني

ونهيتي اسمي من هالكون

..

يا جرح بداخلي شلته

ولدري كيف صار وشلون

وغلط غيري تحمّلته

ويا كثر اللي هم يغلطون

..

غريبه الناس علي تزعل

بعد مغليتهم بجنون

ابد ما كنت اتخيّل

مردهم باكر يحسّون

..

زمن قاسي

بلا رحمه

إلا منّه ظلم يفرح

تبرّه الجلد من لحمه

وصار الكل يبي يجرح

وصار الكل يبي يجرح


مناف نذر

فصله

حصان

ورده
أســــــــد

صقر

نـــــمر

فيراري

فانتيوم

يخت

شنو وجه التشابه بين كل الصور اللي شفتوهم

وبين قلبي

؟!؟!؟!

اكيد بتقولون كلهم لونهم أبيض

:)

عفيه عليكم

LoOoOoOoOoL

HAVE FUN

بالرفاه والبنين

أفراح روتانا

حدث 2007

يشاع بالاوساط السياسيه والاقتصاديه والفنيه

عن خبر زفاف

الوليد بن طلال

من كريهة الحقير صدام حسين المدلله

رغد
ماني قايل شي

بخلّي التعليق عليكم

________

بس السؤال اللي شاغلني

هل سيقوم هؤلاء باهداء

الوليد باغاني لهذه المناسبه

عبدالله رويشد

نبيل شعيل

نوال

كونه صاحب الشركه المنتجه لاعمالهم الفنيه

!؟!؟!؟!؟!؟!؟!

__________

نمى الى علمي ان حفل الزفاف

سيكون يوم الاثنين القادم

بقصر الوليد الكائن بمنطقة (نيس) الفرنسيه

وسيدعو بهذه المناسبه كبار الشخصيات والزعماء

ترى من سيهنّأ من عيال الكويت بنت الحمار في هذه المناسبه

؟؟

شعور

في لحظه

تشعر انك شخص وحيد في هذا العالم

بينما يوجد شخص يشعر بأنك العالم بأسره