!!هل نحن اصدقاء

قال الجنديّ لرئيسه :
“صديقي لم يعد من ساحة المعركة سيدي, أطلب منكم السماح لي بالذهاب والبحث عنه.".
قال الرئيس :
”الإذن مرفوض"!!,“لا أريدك أن تخاطر بحياتك من أجل رجل من المحتمل أنّه قد مات".
ذهب الجندي, دون أن يعطي أهميّة لرفض رئيسه, وبعد ساعة عاد وهو مصاب بجرحٍ مميت حاملاً جثة صديقه.

كان الرئيس معتزاً بنفسه فقال:”لقد قلت لك أنّه قد مات! قل لي أكان يستحق منك كل هذه المخاطرة للعثور على جثّة!؟!”

أجاب الجنديّ محتضراً:”بكل تأكيد سيدي! عندما وجدته كان لا يزال حياً وأستطاع أن يقول لي:
كنت واثقاً بأنّك ستأتي!"

الصديق
هو الذي يأتيك دائما ًحتى عندما يتخلى الجميع عنك
هو الذي يحبك في الله دون مصلحة مادية او معنوية


هو الذي يقبل عذرك و يسامحك إذا أخطأت و يصبر على سيئات طباعك .. و يحل محلك في غيابك
هو الذي يظن بك الظن الحسن و أذا أخطأت بحقه
يلتمس العذر ويقول في نفسه لعله لم يقصد

هو الذي يؤثرك على نفسه و يتمنى لك الخير دائما
هو الذي ينصحك اذا رأى عيبك و يشجعك إذا رأى منك الخير ويعينك على العمل الصالح و الذي يوسع لك في المجلس و يسبقك بالسلام إذا لقاك ويسعى في حاجتك اذا احتجت إليه
هو الذي يدعي لك بظهر الغيب دون أن تطلب منه ذلك هو الذي يفيدك بعمله و صلاحه و أدبه و أخلاقه
هو الذي يفرح إذا احتجت إليه و يسرع لخدمتك دون مقابل
هو الذي يتمنى لك ما يتمنى لنفسه
هو الذى يبحث بأي وسيلة عن إرضائك وإسعادك ..يفهمك ويحس بك تجده عندما تحتاجه إلى جانبك،،يساعدك حتى بالإنصات إلى همومك دون تعب أو ملل .. إنسان يمسح دمعتك قبل سقوطها على وجنتيك ..إنسان تعرف انك تعني له الكثير وانه لن يعوضك بكنوز الدنيا كلها

هكذا هم الأصدقاء

اعجاب

اذا كانت قلوبنا تفز لوجود اشخاص نتمنى انه نشوفهم ونفرح بوجودهم

واذا كنّا نتفاءل بابتسامة ناس ونحس انه في ابتسامتهم تتلون دنيتنا

او اذا لقينا شي بداخلنا يخلينا غصب ننجذب لشخص لي درجه انه ودنا ارواحنا تحوم حوله

لا نفزع

لانه اللي قاعد يصيرلنا شي جميل

اسمه

اعجاب

..

لو تخيلتو معاي ان الدنيا اللي نعيش فيها عباره عن دروب

منها القصير ومنها الطويل .. منها البعيد ومنها القريب

واحنا نختار الدرب اللي بنمشي فيه

مهما كان اختيارنا

اكيد بنلاقي ناس تمشي معانا بالصدفه

لانهم اختارو قبلنا نفس الطريج اللي اخترناه

وفي ناس بعدنا احتمال تكون خطواتهم اسرع منّا

هم راح نلتقي فيهم

اذا بطئنا خطواتنا

او اذا وقـّـفنا التعب

..

في درب من هالدروب

التقو اثنين

بلقاهم ارتعش جسمين

وخفق قلبين

واحد منهم مد ايده وسلّم

لمس بيده اجمل وانعم وادفى ايد بالدنيا

كانت هذي البدايه

..

اجمل الايام

عاشوها مع بعض

في كل لحظه .. كانت لهم ذكرى

مواقفهم البريئه ملت عليهم الدنيا

حياتهم مليانه ابتسامات تعلموها من بعض

وفي الوقت اللي تقسى عليهم الدنيا

تلاقون لازم واحد منهم يتنازل عن راحته عشان الثاني

مادري هالنوع من العلاقات .. شيسمّونها

بس اللي اعرفه .. انه حياتهم وناسه

صداقتهم .. اخوتهم .. قربهم من بعض

كلها اشياء تعلمنا شلون نطالع القمر ونفرح لانه قاعد ينور علينا الطريج

وشلون نبتسم ونركض مع بعض اذا بللنا المطر

يا حلو حياتهم

..

كل سنه مرت عليهم .. زادتهم قرب من بعض

وصلو لي مرحله قامو يفهمون فيها بعض من عيونهم

بدون ما يتكلمون

قام كل واحد فيهم يقرا اللي بخاطر الثاني

وكثير احيان ينطقون بنفس الكلمه بوقت واحد

هالاشياء اللي قاعده تصير لهم خلتهم يتعلقون فبعض اكثر

ما كانو يسمحون للملل انه يتسلل مدينتهم اللي بنوها بيدهم

المدينه اللي اسوارها اكاليل ورود ملونه

وبيوتها انبنت من ثقه واحترام وود وحب وخوف كل واحد فيهم على الثاني

كانو يفتقدون بعض باللحظات اللي تغفى فيها عيونهم للنوم

كانو يتسابقون باللي يبين للثاني انه مفتقده اكثر

..

ما قد فارق لياليهم القمر

ولا يوم غفى عنهم السهر

كانت ذرات الهوا تفرح وتتسابق عشان تنقل اصدق مشاعرهم لبعض

يقولون الصوت بالليل يسري

وقف جدّام عيونها

الخجل تركهم ووقف بعيد عشان لا يحرمهم من هاللحظات

ارتعش جسمه

قال لها: ممكن اسألج سؤال؟

قالت: قول عمري

قال: شاللي عاجبج فيني

قالت له: حبيبي انت .. وايد اشياء

قال لها: شنو اكثرها

قالت له: اولا حسيت براحه معاك .. ووو احب شخصيتك .. طريقة كلامك .. حنّيتك وخوفك علي .. اهتمامك فيني .. اممممم وهم بعد احب فيك شي

قال لها: شنو

قالت له: حلجك جنّه حلج بطّه

اهوابتسم اهني

قالت له: صج ترى صج حلجك عوي بس اينّن .. احبّه

انزين انت قول لي شنو اكثر شي يعجبك فيني

قال: شوفي انا بحياتي ما تعلقت الا بثنتين

انتي

وخدامتنا وانا صغيّر كنت هم احبها ومتعلق فيها

حتى يوم سافرت موّت نفسي من البجي

:)

قالت له: خدامتكم هاا.. مشكور وما تقصّر

قاطعها وقال: لا والله لا تزعلين بس انا ادري عنج تقولين حلجي عوي!! قلت اردها لج

قالت: لا والله جد قاعده اكلمك .. شاللي تحبه فيني

قال: وربي ما اقص عليج اذا قلت لج اني احب فيج كل شي

يعني احس انج انتي الانسانه اللي كنت اتمناها

وبجد فرحان لوجودج معاي

احب فيج اشياء ما اقدر اوصفها

منها ملامحج البسيطه

تقاطيع ويهج

فيج شي مميز

تدشين القلب بسرعه

سوالفج حلوه

طبيعيه.. ما تحطين مكياج

واذا حطيتي بالمناسبات تصيرين اميره

وبعد شي

قالت بهدوء: شنو

قال: احبج

قالت له: شششش

قال لها: شفيج

قالت له: تكفه اسكت شوي

قال: سكت

تمت اتطالعه فتره بدون ما يتكلمون

بعدها قالت له: غمّض عيونك

قال لها: ليش

قالت: عفيه غمّض عيونك شوي

قال لها: غمضت

ليلة حب

في اخر ساعه من نهاية السنه

"ابتدى برنامج "ليلة حب

ومثل عادته

بموسيقاته الجميله الهاديه والاغاني العاطفيه الحلوه

وصوت مذيع البرنامج .. الدافي

يقول

مساء الخير

مسا الاشجار لي غرد عليها طير

..

تعالو نعيش اخر لحظه بالسنه هذي

بحب وشوق ووله

خلونا نهدي بعض اغاني

ونتمنى لبعض بداية سنه كلها سعاده وافراح

..

وبعد ما خلص كلامه .. انزلت اغنيه حلوه لعبدالمجيد عبدالله

كلها مشاعر يرتعش لها الجسم

..

بعدها تكلم مذيعنا عن معني الحب

شدني لما قال

ان الحب مجرد كلمه بحرفين للناس اللي تجهله

لكنها كلمه بألف معنى للناس اللي تعرف تحب ولها قلب

قلب ما ملاه الا شخص عرف اصول اللعب

وغلب كل انظمة الحمايه اللي من واجبها انها ما تسمح بدخوله لهالمكان

ياااااااه

تعرفون شسبب وجود حرف الحاء و الباء في مكان واحد

الحاء = حياه

والباء = بقاء

..

تعالو ناخذ هالمكالمه

المذيع: الو

المتصل: الو مسا الخير

المذيع: مساء النور تفضل .. انت عالهوا

المتصل : حبيت اقول لك انه برنامجك وايد حلو

يقاطعه المذيع: الله يخليك تسلم من ذوقك

المتصل: واحنا مع الاهل قاعدين الحين بالمخيم ومشغلين الراديو وقاعدين نسمعك

وبرد ووناسه وطايحيله كستنه وحليب امهيّل على كيف كيفك ومو ناقصنا الا وجودك

المذيع: عليكم بالعافيه ياخوي انشالله تتهنون بهالجمعه الحلوه - ابتسامه - خلاص عيل من اخلص البرنامج اييكم

المتصل: حياك والله اذا تبي احنا نيي ناخذك من مكانك افا عليك

المذيع: تسلم لي يا رب .. من تحب تهدي

المتصل: والله احب اهدي كل الاهل اهني عندنا بالمخيم واهدي الوالده حبيبتي وام ناصر زوجتي الغاليه

واهداء خاص لك انت .. ونبي اغنية على ذوقك

المذيع:حاضر من عيوني ما طلبت شي وشكرا على اتصالك ياخوي

المتصل: العفو ..مع السلامه

المذيع: مع السلامه

..

بعدها حط لنا اغنيه لشيرين

آل صعبان عليه

وبيتطمن عليّه

اولولو لسه عايشه

وكل شيء حلو بعينيه

..

ومع نهاية موسيقة الاغنيه

وعلى انغام موسيقى هاديه

:طلع المذيع بصوته يقول

ومن ليلي

اصيح الويل

يا ويلي

عذاب الليل غيّرني

تجاهلني وبكّاني

وعاندني وخلاني

اصيح الويل

وانام الليل

لأن فجري يغالطني

ولأن حبي يعاندني

اصيح ارجوك تهواني

انا مابيك تنساني

وتخليني

اعد نجوم موهومه

واقابل ناس مهمومه

تجاريني واجاريها

تسليني واسليها

تضيق مني واراضيها

ولا عرف عن اراضيها

سوى بركه

تزيد الهم بهموم

وانا المسكين محروم

احب اني اشوفك يوم

تحاول تقترب مني

وفي حبي تغافلني

عشان انسى

وعلي تقسى

واناديك

لا تخليني حبيبي

..

المذيع: معاي اتصال يديد الوو

المتصله: الو كل عام وانت بخير

المذيع: وانتي بخير

المتصله: وانشالله تكون هالسنه يارب سنه حلوه عليك وعلى كل المستمعين

المذيع: وعليج يا رب ومن تحبين

المتصله: تسلم بس حبيت اضيف شغله على موضوعك اليوم

المذيع: تفضلي

المتصله: انا دايما اشبه الحب بالرداء او العباة او البشت اختار اللي يعجبك

المذيع: انزين

المتصله: احنا نختار ناس عشان نلبسهم هالرداء وعادتا يكونون فرحانين فيه

لكن عقب فتره يبدون يتنكرونه ويقطونه على الارض لين يتوصخ

اهني احنا نتأثر لانه عزيز علينا

نقوم ننفض عنه الغبار

ونخشه لين ما نلقى احد ثاني يقدر يحافظ عليه

وبس شكرا مع السلامه

المذيع: الو .. الو .. ليش سكرتي الخط

!!

خلونا نسمع اغنيه ونرجع

..

كانت اغنيه لطلال سلامه

اسمها يا قو قلبك

الأغنيه

..

ليلة حب

واخر لحظه في هالسنه

حبيت فيها اني اكون معاكم

نحتفل بميلاد سنه جديده

خلونا ناخذ تليفوناتنا

ونشوف من عليه ولهنا

ونبعث لهم رسايل تفرح قلوبهم

وتملي ليلتهم بهجه اهم محتاجينها

والا خلونا نرسل لهم ايميل نكتب فيه

كل عام وانتو بخير

صدقوني

لا تلغون اجمل صفاتكم

دام انكم طيبين

بيدنا نخلي الحياه حلوه

وبيدنا نخليها مؤلمه

الله يبعد عنا وعنكم الالم

..

باخذ اتصال

المذيع: الو

المتصله: الوو

المذيع: تفضلي انتي عالهوا شتحبين تقولين بنهاية هالسنه

المتصله: كنت حابه اقول شالفايده انه نقرب من ناس ما يبونه نكون معاهم

المذيع: شلون؟؟

المتصله: يعني انا مثلا كنت احب انسان كان اهو الدنيا بالنسبه لي لكن من مده زعلنا

وللأسف شكثر كنت احاول اني اقرب منه وهو ما يبي حتى يعطيني هالفرصه اللي ابين له فيها اني للحين شاريته وابيه ومو مستعده اني استغنى عنه .. يعني مادري شقول لك بس مو هاينه علي نفسي بعد يعني مابي اذل روحي .. يعني ياليت الناس تتعلم من الكلام اللي قاعد تقوله ترى والله مافي شي يسوى انه نضايق نفسنه عشانه.. ويعطيك العافيه على هالبرنامج الحلو

المذيع: تسلمين عزيزتي بس نصيحه عمرج لا تحطين فبالج انج ذليتي نفسج او اهنتيها بالعكس اللي سويتيه يدل على انج انسانه تملكين قلب كبير وتحبين الناس اكثر من روحج .. النبي عليه الصلاة والسلام في يوم من الايام فقد اذى جاره الكافر وراح يسأل عنه تخيلي وهو احب البشر لله .. العبره من هالتصرف انه جاره دخل الاسلام عدل والا لأ

اللي ابي اوصلج اياه اهو مهما تضايقتي من شخص ومهما وصلت درجة الاذى منه تأكدي انه راح ايي الوقت اللي يحس فيه بتقصيره واكيد راح تهدى فيها النفوس وترجع الامور لطبيعتها صدقيني شرط بيحس بغلطته وبيفقدج ويرجع .. مافي عداوه دايمه

انشالله ما تبدي هالسنه الا وانتو راجعين لبعض مثل اول واحسن بعد عموما شكرا لاتصالج

..

حبايبي الوقت خذانا

بدون ما نحس فيه

بقت دقايق على السنه اليديده

خلوني اتمنى لكم سنه كلها حب وقرب

واذا عندكم شي ودكم تقولونه او امنيات تتمنونها لنفسكم ولي

لا تبخلون علي فيها

:)

كل عام وانتو بخير

_______________

لوير

طالت الغيبه

والله مكانج فاضي

:(

هلا ديسمبر

25.12.2007

شهر ديسمبر من أحب الأشهر لقلبي

أغلى الناس عندي اعياد ميلادهم بهالشهر

طبعا هم سبتمبر أحبه

عشان عيد ميلادي

وعيد ميلاد اغلب الناس اللي احبهم

:)

_________

اخوي عامر

وعبّادي ولدي

واخوي طلوب

وبنتي لين

واخوي عارف

كل عام وانتو بألف خير

wish u a happy birthday guys

:)

..

_________________________________

خطاي

هو بقى فيني عقل

حتى افكر

اني ابقى او ما ابقى

او بقى عندي امل

ان انت مثلي

ما بتلقى

..

لجلك انت

غيرت طبعي

كنت ضامي

وانت نبعي

كل ربعي حذروني

وعدت كل غلطات ربعي

..

ليتني اخترت النهايه

وما تركت عيوني تشقى

وما قريت هذي الروايه

لنـّـه مثلي

ما بتلقى

عيبي بس

غيرت طبعي

وكنت اظن

ان انت نبعي

كل ربعي حذروني

وعدت كل غلطات ربعي

LONDON

فجر وفهد

موظفين في نفس المؤسسه

تم ارسالهم من قبل ادارة التدريب والتطوير

لاتمام دوره تدريبيه في مدينة الضباب

LONDON

ولا عليها

وصلو مطار هيثرو

وكانت درجة الحراره

صفر

يعني مو برد

الا سحتني

المراد انه فجر اخر مره زارت فيها لندن كانت صغيره

يعني ما تذكر منها ولا شي

اما فهد

فــ مطيح كل سنه هناك

المهم

بعد ما وصلو الفندق

واستلمو الغرف

كانت فجر بدور

وفهد بدور ثاني

اتفقو انهم يريحون اليوم عشان يقومون من باجر الصبح حق الدوره

الدوره تبدي من الــ 9 الصبح ليــــ 6 بالليل

مدتها اسبوع واحد

كانو ملتزمين بالحضور يوميا

وبيني وبينكم

كان كل واحد فيهم مهتم انه يبرز اكثر من الثاني

يعني سموها غيره او منافسه شريفه

اللي ما تعرفونه

انه فجر كانت ما تواطن فهد من اول ما اشتغلو

كانت تحس انه شايف نفسه

:)

لكن على ما يقولون

ما تعرف رفيجك الا بالسفر

من هالسفره تغيرت فكرة فجر عن فهد

بدت تحس انه خوش واحد

..

طبعا بهالاسبوع صارت مواقف وايده بينهم

وقربو من بعض اكثر

فهد كان يخاف على فجر وايد

يعني ما يرضى يخليها تطلع الا يكون اهو معاها

واي شي تطلبه كان اهو بنفسه يروح اييبلها اياه

المهم كان اسبوع ما ينــّسي

لهم اثنينهم

..

وصار اخر يوم

وتدرون انه المواقف الحلوه ما تصير الا اخر يوم بالسفره

استغلو اخر يوم بالسوق

قامو تشرو كل اللي بخاطرهم

امسحو اكسفورد مسح

ما خلو داعوس الا وادخلوه

المهم انه بين التسوق

كانو يبون يعبرون الشارع

والا تطفي اشارة عبور المشاة واهم بنص الشارع

قام فهد ومسك ايد فجر حيل وركض فيها

اهني

..

فجر حست بشي غريب قاعد يصيرلها

ما تدري شنو اهو

بس كان بخاطرها انه ما يوخر ايده عنها

عقبها وطول ما اهم قاعدين يمشون

ما ارفعت فجر عينها عن فهد

كانت هيمانه فيه

تمنت لو انه زوجها

او حبيبها

..

وصلو الفندق وراحت اهي غرفتها عشان ترتب جنطتها

واهو نفس الشي

بس تمت تفكر وايد باللي صار اليوم

فهد ضبط اغراضه بسرعه

واتصل على فجر بغرفتها

يسألها اذا محتاجه مساعده او اي شي

فقالت له لا مشكور انا خلصت تقريبا

قال لها انزين ما ودج نطلع نشرب قهوه بالنايت سبريدج

دام انه اليوم اخر يوم

فرحت وقالت اوكي انت انزل اللوبي وانا اخلص واييك

قال لها اخذي راحتج انا ناطرج تحت

سكر التليفون

رش له رشتين عطر

وطلع من غرفته

ما وعى الا وهو ينزل لي الطابق اللي فيه فجر

تردد يروح يطق الباب عليها والا لأ

قرب من غرفتها وهو يشاور نفسه

ها!! اطق الباب والا لأ

يوم قرر انه ينزل ينطرها تحت

افتحت اهي الباب

والا تلقاه بويها

تلعثمو اثنينهم

ما عرفو شيقولون

فهد نزل راسه بالارض

وبصدره رعشه

وشعور غريب

لاهو خوف ولاهو احراج

بس رفع راسه وطالع عيونها

وقال

فجر

انا

احبج

احساس البنات

!!احساس البنات شي صعب

بس جد بخاطري

أحد يقول لي هذي بشنو قاعده تحس؟؟

اهداء

بين ايديك

اصاله نصري

ضماير

سأل نفسه سؤال .. خلاه طول الوقت يفكر

!!ليش مو قاعد يستفيد من غلطاته

طيب ما كل انسان معرض للغلط

اصلا في ناس تغيرت حياتهم بسبة غلطه

منهم من نجا ومنهم من هلك

حط لنفسه الف مبرر عشان لا يغلّط روحه

قال: يمكن لاني حساس زياده عن اللزوم

فقاعد اعطي الاشياء البسيطه اكثر من حقها

مو بيدي

انا نفسي عزيزه صح

لكن ما اعبّر اعيش حياة متناقضه

يعني ما اعرف اتعامل مع الناس برسميه

احب اكون مصدر فرح للناس

واتأمل منهم الشي ذاته

اصلا اكثر ما يزعجني الغرور

دايما اقول ان المغرور مثل الطير

كل ما على بالسما

صغر بعيون الناس

الناس

!!

كل المشاكل اللي نتعرضلها

سبتها الناس

اخوان تفرقو بسبة الناس

ازواج انفصلو بسبة الناس

اصدقاء تعادو بسبة الناس

الطبيعه ما اتلفها الا الناس

العالم ما راح ينهيه الا الناس

على فكره

اكثر شي يألمني

لما ايي وأأنب نفسي على اغلاطي

لأني دايما اكون قاسي معاها

دايما اركب روحي الغلط

ترى كل الكلام اللي قاعد اقوله الحين مو مرتبله

سرحت بالصوره

وحسيت فيها شعور بالذنب

تخيلت نفسي اني سبب بتعاسة انسانه اطيب مني

ناطره مني لحظه ايي شايل فيها ورده بيضه

اقرب عشان احب راسها

واقول لها ادري زعلانه مني

بس صدقيني

عمرج لا تتخيلين اني ممكن اتعمد بجرحج

كل واحد منه له عيوب ومميزات

انا .. انتي .. وغيرنا

اطباعنا تختلف عن بعض

بس الا ما تلاقين في اشياء مشتركه

تكون سبب قربنا من بعض او بعدنا

ادري اكثر شي يزعجج فيني انج تحسين اني مو مبالي

بس والله انا مو جذي

:)

____________

قاعده تتكرر علي هالايام مواضيع انفصال زوجين

اقول بقلبي يا حسافه

ليش

؟؟

وكلهم صار لهم اكثر من عشر سنين

يعني عشره

اسمعهم يتشكون

رافعه علي نفقه واولاد والبيت

اقول في قلبي ياريت لو واحد فيهم يلين قلبه

ويتذكر الايام الحلوه على الاقل

الخطبه وشهر العسل وفرحة اول مولود واشياء ثانيه

كافيه انها تزرع في قلوبهم الرحمه

..

يا جماعه

الحياة محتاجه منا لمرونه

ضروري انه نعرف من نسمع ومتى نتكلم

..

تحياتي لصديقي

محمد النغيمش

على اصدار كتابه الثاني

انصت يحبك الناس

كتاب جميل يستحق القراءه

__________

تحياتي لكم

اهداء

مدينة حبي

ولا غيرك احب احد

ولا غيرك يسليني

ولو ان الكون يتنهد

اشوفك في وسط عيني

مدينه سورها حبي

ومداها بعض اشواقي

ولو اني ابتعد عنك

اشوف بشعري واوراقي

ملامح كلّها انتي

ومن روحك معانيها

اتوه فعيونك ان نمتي

وافكّر كيف اظل فيها

كثير احتاج انا حبك

كثر ما كنتي باوراقي

مدينه سورها حبي

ومداها بعض اشواقي

_______________

إحتفال

في نفس قاعة الاحتفال
عم الظلام
واحد يقول
منعو الكلام
الحين يبدي الاحتفال
..
!!لكن سؤال
في بالي حزّتها يدور
متأكد اني شفت نور
بين الحضور
حتى فـ بساطتها خيال
في نفس قاعة الاحتفال
:)

اهداء من قلب

مــنــــاف نـــــذر

هلوسه

قالتلي: يالمينون شقاعد اتسوي .. الناس قاعده تطالعنا

قلت: ومن متى تهمني الناس .. لا تخليني .....جدامهم الحين

:)

_____________

كنت انت

اغلى شي بالدنيا عندي

كنت اشوفك

في منامي حلم وردي

____________

اكتشفت اني ما احب البرد

يمكن لاني طريح الفراش الحين

والله لا يوريكم حالتي

طايحله عصير برتقال وليمون

احلى شي بالسالفه

اني مارحت الدوام اليوم

____________

ما راح اعلّق

!!

_______________

اعذروني على هلوستي

ما كنت بكتب شي

بس ادري في وايد ناس ناطرين مني شي يديد

انا لو منكم ما احط تعليق على هالبوست الخايس

:)