القاكم 3-9-2007

يوم الاثنين الياي يصادف عيد ميلادي

طبعا راح تلاقون بوست يديد بهالمناسبه

:)

لحّد يباركلي الحين

بس بعطي كل واحد فيكم مبلغ

!!كثر اللي بالصوره هذي

بالذمّه لو صج

!!شراح تشترون لي هديّه

تبي ترحل

غريبه كل ما تخطي

تحاول تبتعد عني

واراجع كل كلماتي

واشوف الغلطه مو مني

تعلم شوف غلطاتك

في كم مره تزعلني

تجنني بزلاتك

وتتعمد تمللني

..

انا ما اقول انا مخطي

ولكن ماني متعمّد

وكل ما حاول اتقرب

اشوفك تبتعد وتصد

تبي ترحل .. فمان الله

تفضل روح وانساني

عساها تكون لك زلّه

وتعاني مثل ما اعاني

اسأل عيونك

بس ابي تسأل عيونك

عن حلاتك في عيوني

اسألي قلبك

عن احساسي وشعوري

واهوا يدري

..

مالقيت إلا عيونك

وقلبك انتي

يفهموني

كل ما انادي حياتي

اسمع تردين عمري

..

لو عمري كله

عمري كلّه

عمري كلّه راح

..

بس تبقى انتا

والله انتا

اللي له ارتاح

..

حياتي

عمري

يا نور عيني

حلمي تكوني لي

قمره بوسط ليلي

حبيني غني لي

ردّي لقلبي الروح

..

حياتي عمري

يا نور عيني

كلما تناديني

بانك تحبيني

والله تكفيني

اذكرها وين ما اروح

اذكرها وين ما اروح

الوصيّـه

نفسها الدنيا اللي غرتكم

غرتني معاكم

قلت ابنصحكم

قبل لا ترتمو تحت التراب

التراب اللي

حجب عني لقاكم

وانتهت ايام عمري

وابتدى يوم الحساب

..

من دفنتوني ورحتو

احترق فيني القبر

قمت اصرخ واتعذب

وامتلى قبري جمر

..

قمت اصيح

ولاني عارف شبيصير

فجأه شفت قبالي

منكر ونكير

بادلوني بنظره

يمليها الغضب

وانا اصيح

وبقبري نار

وفوقي ثعبان اقترب

..

كلّي ذنوب

والحين ما ينفع اتوب

الحين ما ينفع اتوب

..

اسألوني ليه عملت السيئات

تذكر كم مرّه تجاهلت الصلاة

شوف من حولك

عذابٍ في عذابٍ في عذاب

ومذنبين

وامهات بلا حجاب

الله واكبر

ما دريتو عن رسول لهالزمان

ما سمعتو بالاذان

هذا وانتم مسلمين

وتنطقو باسم الشهاده

..

حبيتو الدنيا وتناسيتو العباده

السعاده

من تصلي

ركعتين

وتمحي ذنوب ٍ تجمعها بسنين

..

اعمالكم اعمالكم

اعمالكم تشفع لكم

ابعدو عن عينكم هذي الغمامه

اتذكرو يوم القيامه

..

اتذكرو انه لكم

رب ٍ رحيم

وقرآن ٍ كريم

وشيطان ٍ رجيم

والصراط المستقيم

وانتو اختارو

دامكم احرار

امّا تطلبو الجنـّه

والا بتدخلو للنار

..

هذي الدنيا اللي غرتكم

غرتني معاكم

قلت ابنصحكم قبل

لا ترتمو تحت التراب

التراب اللي

حجب عني لقاكم

وانتهت ايام عمري

وابتدى يوم الحساب

الحلم الجميل

لماذا تأتيني

كالبحر لتبللي اطرافي وتذهبين

لماذا اراكي في احلامي

تلمسين أصابعي

فتقبليني وترحلين

هل عشتي حبا لم اعشه

أم انكي تتألمين

هل أصبتي الأختيار

او انه قدر لعين

هل تذكرين

كم كنتي وحدك تلعبين

الان قولي اين انتي

واي حب تحملين

..

تأتي لحلمي عاريه

فأغمض عيني

تقترب

فأحترق الفين مره

لا اقاومكي كفا

ارجوكي عودي

لن يغفر الله الذنوب

ولن اتووب

..

لو تعرفين

كم اهوا

شعرك القصير

يغريني ليتك تعرفين

ان الانوثة كلها

فيكي

..

اظنكي تعرفين

الآن انتي تعرفين

ارجوكي عودي

قبليني

بلليني

فالله سيغفر الذنوب

اما انا

فلن اتوب

تكفين .. هالشي بيني وبينج

تحديث

ــــــــــــــ

9-08-2007

عيد ميلاد الحبيبه الغاليه الطيبه الوفيّه

ام عبدالله

:)

حاب اني اقول لها

كل عام وانتي بألف خير

وسامحيني جان اذيتج في حياتي

وشكرا على غفرانج لكل زلاتي

الله يجمعنا على الحب والود والاحترام

وعسى الله يقدرنا ونربي عيالنا ارقى تربيه

واتمنى انه الله يعطيني عمر معاج ونحتفل بعيد ميلادج

بحضور احفادنا

لوووول

استعدي لمفاجآتي اليوم

وببديها بهالكلمه

أحبج

سؤال: للحين في ناس تحفظ السر؟؟

وشرايكم باللي يفضح اسرار الناس؟؟

..

كاذبه

بكل شي تقوله وتكتبه

امّـنتها سرّي

!!وحسافه

شي ما كنت حاسبه

!!انها تقوله وتكتبه

قساوة قلب

الانسان لما يكون بروحه

يحس انه الكون بدى يضيج عليه

سبحان الله

لعبة القدر

كلنا انيي الدنيا بروحنا

ونترك الدنيا بروحنا

..

ليش نحب ؟؟

وليش ما نحب الا اللي يأذونـــّــــا ؟؟

..

واحد اعترف لرفيجه

انه يحس بشعور جميل هالايام

لقاله انسانه يحبها

واهي تبادله نفس الشعور

بس علاقتهم اشبه بحركة الطبيعه

مره اهي اللي تنجذبله

ومره اهو ينجذبلها

مشاعرهم

كانت مثل البحر واليال

بوقت المد

يندفع البحر بقوه عشان يعبر عن عشقه للتراب

ولما يحس ان التراب مل منّه

يبدى الجزر

..

شكثر الوقت مهم بحياتنا

وشكثر ممكن يتسبب لنا بألم

..

بوقت حسيت اني احب انسانه كنت اكرهّـها

وبــوقت كــرهت انســـانه كنــت أحبهــــــا

..

رن التليفون

شاف الرقم

وفرح فرحه كافيه انها تلون كل السما بلون قلبه

قال لرفيجه: هذي اهيه .. انا بطلع اكلمها بره اهني ازعاج

مسكين .. ما يدري شاللي ينطره

أول جمله قالتها له: شنو هالمسجات اللي قاعد اتطرشها

المسكين رد : اي مسجات

قالتله : انت عارف اي مسجات .. لا تسوي روحك ما تفهم

تم ساكت مو عارف يرد

فقالت له : اعتقد قاعد تسمعني ها

جاوبها : اي اسمعج

قالتله : المهم اسمع ماني امطوله عليك .. بس ابيك تعرف شي وايد مهم

اني مسحت كل مسجاتك وماله داعي اتدز جذي اشياء مره ثانيه اوكي

!!جاوبها : بعد لحظات كان يسترجع كل وقت كانت تبتسم له فيها

وكل جملة اعجاب

!!كانت تقولها له

!!وكل نظره تبادلوها

!!وكل موقف جمعهم مع بعض

جاوب

اوكي

شكثر كان متألم وهو يقولها

تسكر الخط

!!

..

وغاب الحب عن عمري

وتركني دون اي اسباب

صبرت ليمن تعب صبري

وكبرت وما لقيت اجواب

..

انا من لي بعد ما رحت

وكم باقي لي من عمري

بكيتك ومن كثر ما صحت

تحطّم حزني بصدري

..

خساره يا غرام تموت

حرام بعد العمر .. ترحل

رحلت بصمت ,, تركت سكوت

ترجيتك ابقى واتمهّل

..

فقدت من العمر أيام

تمنيتك تكون فيها

بسكوت اتحمل الآلام

وبجراحي اداويها

..

تعب كلي كثر ما صحت

تعب قلبي بعد فرقاك

خلاص خليتني ورحت

ولاهي فارقه ويّاك

..

بسيطه منت عارفني

ولا بتلقاني في دنياك

بيجي يوم بتصادفني

وبتذكرني .. وانا بنساك

فصله

تــحـــــــــــــــــــــــــــــــديــــــــــــــــث

آخر الصفحه

قولوا مبرووووك

لحظه لحظه .. حمّووووود

مايوهي

لا اتحرك وقّف وقّف

لاااااااااااااااااااااااااا

---- يا ابن ال

:)

_____________

ايك منيت بي .. توم ني مألوم كيداروو فووت بوول

اواز ماث كاروو .. سونا مني كيا كاها

توم بووت بودمااش

<<>><<>>

الترجمه: تباً لك .. يا ابن الحفـــّـــافه

سأوسعك ضرباً

انت وايد غبي

تبي اسحب وزارك الحين وافشلك جدام الشباب

:)

_________

الله لا يحرمني من كرشك حبيبي

لوووووووووول

..

يالله هذا بوست وناسه

منو عنده تعليقات

ايوريني ويهه

كتبو اللي بخاطركم

______________

تتمة التحديث

اول شي خلونا نبارك حق

HAMDOOL

لاختراقه كل الاعراف والمواثيق والمعاهدات والنظم والاسس والخطط والمشاريع والشروط بتحديه الزمن واختصاره للمسافات وتحقيقه للي محد حققه للحين اللهم لا حسد

HAMDOOL

طاف ال 117 كومنت

خلال 3 ايام فقط

:)

لووووووووووووووووووول

متى بتحس

متى بتحس !! كلمه طلعت من قلب انسانه هلكها القدر

قالتها من بعد سنين ضيعتهم من عمرها .. تحملت وشافت الضيم فيها

ضاعت احلى ايام شبابها .. كانت لوحة جميله رسمها رسام بأحساسه

المسكينه فز قلبها لشخص كان سبب في تحطيمها

حبته بالوقت اللي كان فيه اكبر همّه انه يبني له اسم لامع .. لانه طموحه كان اكبر من لحظه

يقول فيها لحبيبته .. احبج

وكان اهتمامه بالناس وشلون يتواصل معاهم أهم

من دقيقه يلم فيها ام عياله بالليل وهي نايمه .. او يبوس راسها

..

متى بتحس .. قالتها كل دمعه نزلت من عينها

متى بتحس .. قالتها في كل مره تركها واهي محتاجته

متى بتحس .. قالتها بحسره في كل عيد زواج يطوف بدون ما يتذّكر

متى بتحس .. قالتها في كل مناسبه كان يتجاهلها

..

مالقت من يسمعها

الشي الوحيد اللي عايشه عشانه

عيالها

وصديقه حقوده

تحاول تنهي ما بقى لها من احترام

يا حسافه عليها

مصير الحي يتلاقى

كل شي ممكن يتغير بهالدنيا .. الا اشياء صغيره يمكن ما نحس فيها الا لما ننحط بأختبار عادتا ما نكون متأهبين له

مثل رجعتنا للوطن من بعد غربه

نلاقي الاشياء تغيرت والشوارع اختلفت والمباني اكثرت

ولكن الحنين اهو اهو ما يتغير .. يمكن يصير اكثر

..

بعد 11 سنه

من سنة 1996

من ايام الشاليهات .. كنّا نتيمع كلنا مع الربع دقدقه وشوي ووناسه

صج يمعت الربع ما تتعوض

السالفه كلها واللي ابي اوصلها لكم

تبدي من الشاليه اللي يمنا :) طبعا انتو فاهميني عدل

كانت عندهم بنيه جميله وناعمه .. كانت بالنسبه لنا حلم

الكل وده بس لو تقول له : لوسمحت

في كل اجازه كان اكبر همنا انها تكون موجوده

شباب وتدرون طموحين

لووووووووووووووووووول

يت الايام وراحت الايام

واحنا كل اسبوع معششين بالشاليه

بس اللي صار انه في اسبوع من الاسابيع ما رحنا

بهالاسبوع بالذات كانت الكارثه

حزّت العصاري كانو كل الناس يتمشون بالشارع اللي قبال الشاليهات

تمشي وفراره وسياكل وعاد انتو تخيلو الوضع

اللي صار ان واحد من المستهترين كان قاعد يستعرض بسيارته

وفقد السيطره عليها ويقوم يدعم هذي البنت مع بنت خالتها

وتسبب بوفاة بنت الخاله بنفس الوقت .. والبنيه اللي اتكلم عنها دخلت عنايه فائقه

وتدخل في غيبوبه لاكثر من 3 شهور

وعقبها راحت في رحلة علاج لي المانيا واستمر علاجها لي اكثر من 3 سنوات

من 1996 وهذي البنيه اسم الله عليها ما تغير ويهّا

بس انترست المسكينه وايد من الكورتيزون

..

يوم الثلاثاء اللي طاف دخلت مستشفى هادي بالليل

والا القاها بويهي :) والله ما اقدر اوصف شعوري لكم

بس حسيت انه ودي اسلّم عليها

استانست لما لقيتها تبتسم بويهي !! كأنها عرفتني

كنت بالشاليه اكثر واحد يغني بالليل

تدرون يقولون صوتي حلو

حتى سألو فراوله

:)

كلنا نستانس لما نشوف ناس صدفه كانت تجمعنا معاهم ذكرى

سوى بالدراسه والا بالسفر

انا عن نفسي احب هالمواقف

صج

الكويت صغيره

ومصير الحي يتلاقى