Thursday, September 25, 2008

BO HAYLAN



للنجاح طعم لذيذ


في هذ البوست حبيت انكم تشاركوني نجاحي


ادري في كثير منكم ناطرني انزّل بوستات حب ورومانسيات


وعد بأذن الله ورى رمضان بتلاقون كل اللي يسركم


لا تحاتون


..


حبيت بس اوضّح شغله مهمه للي يراسلوني على ايميلي


والله مو متجاهل ايميلاتكم


بس انا من مده مو فاتح ايميلاتي


ووربي واصلين 4 الاف وشي بدون مبالغه


:))


لكم مني بس افضى ارد على واحد واحد


وشكرا على المتابعه والسؤال والملاحظات


..


بعد بقى شي مهم بخاطري اقوله


انا لما اكتب شي


اكتبه بكل عفويه وطيب نيه


لا اعادي احد ولا اضمر الكره لاحد


ولأني ماني ملاك


قد اسيء التعبير من خلال الردود على البعض


..


التدوين شي جميل


والاجمل اهو تفاعل الناس وقراءاتها لمواضيعنا


حتى للي ما يتوالموون معانا


لو بنكتب لنفسنا


جان اختصرنا الوقت والجهد


وشرينا دفاتر وكتبنا لروحنا


!!


..


المهم


ورى العيد لي معاكم موعد


..
تقبّل الله طاعتكم

Tuesday, September 23, 2008

غبقات


بصراحه من العوايد الحلوه اللي الله لا يحرمنا منها


الغبقات الرمضانيه


..


ما حضرت الا 3 غبقات


الأولى
غبقة وزير الأعلام


كانت حلوه خفيفه وظريفه ولطيفه


:)


واللي لاحظته بهالغبقه


.........


اللهم اني صائم


..


الغبقه الثانيه


غبقة / أحمد الفهد


يفترض ان هالغبقه للاعلاميين


!!


الحضور كان من


......


اللهم اني صائم


مليون ريّال وبنتين


daaaahh


..


الغبقه الثالثه


للقديره / سعاد عبدالله


جدا راقيه


والحضور احلى وامتع وانطع من الغبقتين اللي فاتو


يمكن عشان ب لينوتر


:))


قدرت اييب لكم هالصوره من صديقي الصحفي خالد السويدان


السؤال


شنو ماركة ساعة ام طلال


وجم سعرها


وتعيشون


daaaaaahh

Friday, September 19, 2008

القيمات (",)



البوست حده خفيف ولطيف وظريف
اللهم لك الحمد والمنه
هذا الشهر مر كالبرق
الله يتقبل منا ومنكم صالح الأعمال
واللي للحين ما استفاد من الشهر
نصيحه يتلاحق عمره بالعشر الأواخر
..

أولا

كالعاده في رمضان تهل الأعمال علي ولله الحمد
مسرحية اطفال اسمها أبطال الفريج
بس حسافه ما راح اقدر ادعي عيالكم لها
لأنها راح تكون في دولة قطر الشقيقه
:)

..
ثانيا
للقدساويه فقط

ابارك لهم بالفوز


عجب يا عجب
مو لأنه صديقي
بس هذا اللاعب
ويهه خير على النادي وعلى المنتخب
الله يقومه بالسلامه يا رب

ويرجع ويفرحنا
عموما اهو حاليا متواجد مع الأصفر في اليابان

..

ثالثا

لمتابعين المسلسلات الرمضانيه

فضه قلبها أبيض

الكل مستاء من عادل

:)

وعادل مستانس من الاستياء

لانه اجاد الدور المطلوب منه باتقان

خالد كل يوم معاي تقريبا ودايما نتكلم عن العمل ولوين بتودينا ام الطلال المبدعه في عملها المتميز هذا

انا شخصيا اتوقع لها جائزة افضل ممثله في مهرجان الشهيد فهد الأحمد للأعمال الرمضانيه

اتيني اتصالات يوميه يسألوني عن الاحداث القادمه للمسلسل

وتعليقات لخالد

واوصلها له .. وانتو بعد اذا بخاطركم شي قولولي اياه وانشالله

بوصله له

الطريف اني كنت اتصفح احدى المدونات وكان خالد يمي

ف قرينا احد الزميلات منزله موضوع عن المسلسل

لكن باسلوب راقي

عدا احد الكومنتات واللي ما تتحملها الزميله لانها تخص صاحبة الكومنت

مش صاحبة المدونه

:)


..

رابعا

لمتابعين مسلسل الدايه

يوميا اتيني اتصالات

ناس تكلمني عن عملي

يوميات بوهيلان

اللي يثني واللي يقدم ملاحظاته

ولأني ادري من الصعوبه ارضاء كل المستمعين

لكن كان اجتهاد وبجد فرحان لاستاجبة الجمهور سوا من المكالمات اللي اتييني شخصيا او تفاعل المستمعين وتوصيل رايهم لادارة المرينا والمتابعين من خلال موقعنا بالفيس بوك

وهم يمكن يوميا استقبل اكثر من عشر مكالمات يسألوني

عفيه

منو اللي اغتصب موزه

:)

وراس امي ما ادري

راح تعرفون بالحلقات اليايه

وعلى فكره

ام سوزان - حياة الفهد - ماتعطي للممثلين الا حواراتهم

خصوصا بالحلقات الاخيره

فمحّد يعرف السيناريو الا اهي والمخرج

بس اهو واحد من ثلاثه

اما اللي على ايدي

اليسار

.

.

.

او اللي على ايدي اليسار بعد

:)

.

.

.

.

او بن هندي

بس ما عندي صوره معاه

:)

..

ًواخيراً وليس اخرا

الزميله العزيزه مجرد انثى

ليش يايتني بالمنام امس

يايه تخرعيني

:)

الله يشهد ان سلامك لي امس بالحلم

كان سبب سعادتي

وقعدت من النوم وكان اكبر همي اني اردلج اياه

سوا بمسج او ايميل او باي طريقه

لكن ترددت

فقلت افضل طريقه اهي

اني اوصل لج اياها في مدونتي

ويا بخت من قدر وسامح

افضالج علي كثيره خصوصا على مستوى التدوين

وماني ناسيها

اللي ابيه منج بس مجرد ما تقرين هالبوست

روحي وشغلي الاشرطه اللي عندج

ومتأكد انج راح تبتسمين

وسويلي منهم نسخه واللي يعافيج

:)

للمواصله رقمي نفس ما اهو بس زادو عليه رقم 6

تحياتي لج

Thursday, September 18, 2008

حسن الظن


هذا الموضوع كنت ابي اكتبه من زمان


بس مادري ليش أجلته


عموما اعتقد يه وقته


..


في شارع من الشوارع


التقت سيارتين


سياره كان فيها واحد


والثانيه فيها وحده


..


هذا الشارع يتسع لسيارتين بس


وبأتجاه معاكس


للي ياي من الشمال


واللي ياي من الجنوب


..


الريّال نزّل جامة السياره


وصرخ على البنيّه بصوت عالي


حصاااااااااااان


..


ردّت عليه بنفس الوقت


يا حيوان .. حصانه امك


..


النتيجه كانت


.


.


.


Monday, September 15, 2008

المواجهه


كثير من الأحيان .. نلاقي نفسنا نطيح بأغلاط ما كان لازم نطيح فيها
شلون ما نطيح بهالأغلاط ؟؟
خوش سؤال
..
بس علينا انه نستخدم الجهاز الخارق
السؤال
شنو الجهاز الخارق
(اهو جهاز يشبه اليوز (نوع من انواع المكسرات
(او الكستنه (من المأكولات الشتويه
واسمه
مخ
مكانه يصير داخل الراس
المفروض
..
كل واحد فينا له ثقافه تختلف عن الباجي
وتربيه تختلف عن الباجي
ونشأ يختلف عن الباجي
وأهل يختلفون عن الباجي
وربع يختلفون عن الباجي
بعد شباجي
..
هل اللي عندهم حمام سباحه فبيتهم يصيرون عيال اوادم
واللي ما عندهم عيال شوارع
..
برافووووو
..
لما تدب مشكله بين طرفين
واحد منهم عنده حمام سباحه فبيته
وواحد ما عنده
شنو اللي لازم يصير
سؤال
اللي عنده حوض سمج شكو يتدخل
..
ما فهمتو علي .. صح
انا اقول لكم
في طرف ثالث دايما نلاقيه يتدخل بالوقت الغير مناسب
وعلى قولتهم لا له ناقه ولا تبن حشى السامعين
ينحاز لاحد الاطراف على حساب الثاني
واهو ماله وجود بالأساس
بس يعني انا اللي باخذ موقف
..
نصيحه
اياكم وتحطون نفسكم بهالموقف
اختارو اهون الشرّين
اما انكم تصلحون
او تبعدون عن الموضوع من أساسه
حتى لا تخسرون قيمتكم واحترام الناس لكم
..
وقت المواجهه
الصديق قال لصديقه:انت قلت عني جذي
الثاني: لا ما قلت .. انت اللي قلت جذي
الأول: لا حشى والله ما قلت
الثاني : امبله انا سمعت
الأول : شنو !! سمعت !! من منو سمعت
الثاني: سمعت وبس
الأول: انزين من منو سمعت
الثاني : ما اقدر اقول
الأول: انزين انا بعد سمعت انك قايل عني جذي
الثاني : عاد والله اني ما قلت جذي
الأول: بس والله اني سمعت انك قايل عني هالكلام
الثاني : منو اللي قال لك
الأول : ناس قالو لي وبس
الثاني : وانت مصدقهم .. واجهني فيهم
الأول : ليش ما انت تواجهني باللي قالو لك هالكلام
الثاني : ما اقدر
الأول : وانا بعد ما اقدر
بعد هالنقاش العقيم
يوجد استنتاج واحد
ابي اسمعه منكم
..

Sunday, September 14, 2008

وقت الدموع




مافي انسان ما تدمع عيونه


لأي سبب من الأسباب


حزن


فرح


ألم


حرقه


شوق


خشوع


ندم


بصراحه ومن غير أي غرور أو خجل


متى آخر مره دمعت عينكم ؟؟


وليش ؟؟