يا حلو لحظات الرضى من بعد الزعلكل واحد فينا تمرّه ايام الاّ ما يزعل من اخو .. اخت .. زوجه ..حبيبه
صديق .. صديقه
لسبب يستحق الزعل او ما يستحق في بعض الاحيان
اياَ كان الزعل
المهم انه امتع واحلى واجمل وانطع اللحظات اللي تمر على الاشخاص
اهي اللحظه اللي يتراضون فيها
..
مشكله تحل بين الازواج
تنحل بالتراضي وعقبها بوسه على الراس و طلعه حلوه للسينما وعشوه بمطعم
......و
يالشياطين شناطريني اقوووول
فاهمين طبعا هاااا
المهم يا دار ما دخلك شر
..
زعل بين حبيبين
تنحل باتصال او رساله او حتى بـ إيميل
او اهداء اغنيه وخلاص
....بدوون و
يرجع كل شي مثل ما كان واحسن
..
نجره وسوء تفاهم بين أصدقاء
يتدخلون بينهم الطيبين اللي يحبونهم
ويراضونهم على بعض
وترجع المحبه وتصفى القلوب
وترد ابتسامتهم من جد وجديد
وعلى فكره
ترى هوشه بدون دم ما تسوى
HE HE
..
انا اقول
يا حلو الرضى من بعد زعل
خل نستفيد من البياض اللي بداخلنا
خلونا نهيّج مشاعر الحب اللي فينا
ولهنا على السوالف الحلوه
والأناسه
..
امانه اللي عنده احد زعلان منه
خل يصفي قلبه ويراضيه
لا تاخذكم العزّه بالأثم
..
جربو قولو معاي هالكلمه الحلوه
مسامحك
مسامحج
مسامحتك
مسامحتج
يا حلوها على القلب
مثل جقمة موكا فروباتشينو مع الكريما والكاراميل
جراندي سايز طبعا
موتشا جراندي بعد على قولة اخوانّه الأسبان
:))
هااااا
طاح الحطب
؟؟
كفو والله
هذا العشم فيكم
بعد جبدي
34 comments:
اتفق معاك
بس أهم ما توصل حدة الزعل للتجريح و الاهانة
خلاص لا تحاتي مناف انا سامحتك
ادري تعبت وايد بس الحين تقدر ترتاح لووووووول
لا اتغشمر
اكيييييييييد احلى شي الرضى بعد الزعل احس مرات ودي ازعل عشان حلاوة الرضى
:P
ربي يبعد عنك كل زعل و يخليك دايما في حب ياارب
salamz friend...
طاح الحطب :)
الله لا ايب الزعل بين احد :)
kila ma6goog
وعسانا ما نختلف ابد
الناس صايرين جباريت
يا بو سلمى
:))
شايفين النماين كلها وعارفين
الناس ما عادو مثل الأول
محد قام يحترم الثاني للأسف
الظاهر من الفاست فوود
:))
5roofa
المسامح كريم
..
خوش بوست مسويتلي هااااا
شكرا شكرا
اي كثري من الزعل
ما اوصييج
:))
الخيلاء
حبيبه يالخيلاء
الله لا يجيب الزعل
:))
""يا حلو الرضى من بعد زعل""
صدقت يامناف بس تدري شنو المشكلة
ان اذا هذا الزعل هز الثقة بين الحبيبين خصوصا الطرف الزعلان
صج هو راح إيي ويعتذر إبطريقته واحتمال الطرف الثاني يسامح بس صدقني راح يظل الشرخ موجووود ليمن إيي اليوم الي يهيجه مرة ثانية
بس اهني إتيي الشطارة اذا قدر يخلي هذي الثقة ترجع مرة ثانية
بس من تجربتي الخاصة للأسف ما قدرت أرجع الثقة ولا قدرت أخليه يسامحني وخصوصا ان فيه جزء كبير آنا مظلومه فيه
فما ادري شنو الحل؟؟؟
سندس
طاح الحطب
اكيــــــــــــــــــد
اذا كان فيه من الاساس
في ناس نشري قربهم لو اهم يبيعون
و ناس نبيعهم لو اهم شارين
مو مهم يطيح الحطب و الا يبقى المهم اني اكون مرتاحه مع اللي حولي
:)
سندس
انا معاج
احيانا مو بيدنا نخلي الناس ترضى على هوانا
اختلاف التفكير او التعويد
يخلي الناس ممكن تبالغ بالزعل
واحيانا توصل لغاية قساوة القلب
وفي بعض الاحيان تلاقين ناس ماتبي تبين انها راضيه
مع انها بالفعل راضيه عليج
الوقت يلعب دور بعد
يعني مدة الزعل هم تخلي الانسان يتعود
كثر ما طولت الفتره كثر ما يتأقلم الانسان ويصير الامر طبيعي عنده
ما اخفي عليج
حتى المشكله لها اثر مختلف حسب شدتها
احيان سبحان الله
نمرر المشاكل الكبيره اللي مستحيل انه نغفر لها
ونحاسب ونبالغ في محاسبة اتفه الاشياء
مادري شقول لج
الظاهر كل واحد لازم يعيش لنفسه وبس
اعتقد اريح
`~MnO YeNSa! ~`
زعل بيني وبينج
مستحييييل
نوو واييييي
:))
darkness
من بغانه عيّت النفس تبغيه
واللي نبيه عيّا البخت لا يجيبه
:))
..
مقيووله
حالج من حالنا كلنا جذي
اي والله ياحلاة الرضى بعد الزعل
:)
طااح الحطب
كلماتك مريحة شكراا
يبتها عالجرح
!!
اه يا البخت
امي العوده تقول لي الحظ يمرض و لا يموت و ارد عليها يمه وراه حظي فيه مرض مزمن؟؟
Najmah
مووو
:))
تسلمين نجمه
ما ننحرمشششش
darkness
:))
لا انشالله مافيه حظج الا العافيه
لا تقووليين جذي مو زين
..
انا مسافر باجر
مع حرمي الغاليه
اذا عرفتوو جم الزياده قولولي
ولا تشيطنوون
وديرو بالكم على الديره
ولا تطلعون مسيرات واشياء
ولا ترشون رغوه على الصبيان
ولا يقصون عليكم الشباب يعطونكم ارقامهم
واذا عطوكم ارقامهم
لا تدقوون عليهم بنفس اليوم
:))
تحياتي للجميع
وعاشت الكويت
وسمعو اغنيتي اليديده
على المرينا اف ام
وعلى الكويت اف ام
وعلى اذاعة الكويت
اسمها
جيل ورا جيل
واحنا مع آل الصباح
قلب وله نميل
نفدى الوطن بارواحنا
ودمنا له يسيل
وابن البلد ما يرضى ابد
لبلاده تبديل
..
ليمنهم قالو يالكويت
شفنا الكويت فينا
كلنا نفدى ديرتن فيها تربينا
ما طلبنا غير تكون بلادنا حره
ومن يحب الكويت بنمدله ايادينا
..
جيل ورى جيل
:))
راح توحشووني
منااااف
تصدق انا لا يمكن انام وانا زعلانه من احد او احد زعلان مني
بغض النظر عن شخصية الآخر
بس اذا كان هالشخص نغلط بحقي واهو متعمد
يحلم بأني اراضيه
هذا ما يسوي ولا يستاهل اني اضيع وقتي عليه
بس صج انا احب ساعة الصلح
حلوة صح
:)
انا مسامحتك
ولو انه الي بقلبي مو شويه
وواااااااااااااايد كبير
بس هم مسامحتك
:)))
ملاحظه:
انا ما اقرا قصص حب انا تعلمت الحجي الي كتبته من مدونتك
؛)
wely may7b el moca shyswe :P
waah a7es-ha '3tha 3la glbe whmrh grande size... la tbe t8tne :P
mmm
ana mo mz3la a7d... bs fe nas mz3lene 3ade etha klmone ard ma7gr bs ma7bhm nfs gbl l2nhm mo zeneen
hathool b3d lazm asam7hm??
etha sam7t-hm by2thone may9er asam7hm 9a7?
9eeej min a7la el jomal lama etgool ! ha 6a7 el 7a6ab !
bas mo 7eelwah ekon el rad NO :P
ee 97 klamk ya o5oy
7lat elwa7d y9fy elnyah wynam w ohoo mrta7 wglbh aby'6 wmoshayl 3la a7d
w elmsam7a 7lwah
sorry bs ktbt english lanh my laptob new w english w ana bl movmbic zeen tslft mal 5alty w ktbt elmw'9o3
ترد بالسلامه يا بوالنيف ولا تنسى صوغتي
الزين
زين تسوين فيه
عاد كلش ولا الزين
منو يتجرأ يزعلها
:))
ويا حلو الرضى من بعد الزعل
طبعا للغاليين فقط
magnoonah
اوببّااااااااااا
زعلانه علي انا
!!
عاد انا ينزعل علي الله يهداج
..
بعدين يسعدني اني اكون معلم لطالبه نابغه مثلج
:))
Free_Moi
اي فروباتشينووو واكسترا كريما اند كراميل
ثريي تايمز بعد
:))
..
اذا يستاهلون انج ترضين عليهم
عطيهم فرصه
يمكن يكونون تعدلو
وصارو احسن
!!
واذا مو ولهانه عليهم
خل يولوون
:))
loco
اوف فشله
:))
تخيل رايح ومعرض ويهك تبي تتأسف
وتاخذلك طراق
:))
ما تسوى يالحبيب
اقول اقعد انطر البوادر منهم
حفظا لماء الوجه
حبيب والله
اسعدتني برجوعك للتعليق عندي
وعلى قولة المثل
اولد از جولد
:))
Shaima'a Alkandari
تعلميني بقلبج يا شيماء
مو محتاجه توضحين شنو انتي
الكل يقدر يعرف منو شيماء لمجرد قراءة اي كومنت لج بأي مدونه
معرفتج تنشرى بالذهب
:))
ومبروك على اللاب توب اليديد
وتتهنين بالموفمبيك
استانسي
الاربعا دوام
:))
Anonymous
اليوم كان الوصوول
وابشر الصوغه موجوده
بس ما عرفت من معاي
!!
:))
اظن الن الواحد لازم يسامح عشان يعيش بسلام
و خصوصا لما الغلط يكون من انسان قريب
بشرط ان السبب ما يكون جايد
atooosha
كلنا نغلط
بس مو كلنا نقدر نسامح
ويا بخت اللي يقدر يسامح
صفه بعض الاحيان افتقدها
:))
مره ثانيه
اختاري اصدقاء قليلين الأخطاء
وقلوبهم بيضه
..
هااااااااااي مناف
الزعل باي علاقة موجود و الحياة ما تمشي من غير شوية ابهارات الزعل و لمس الغلا من الغير
بس اهم شي ان الزعل ما يتحول حقد صدقني انا في حالة الحين اعيشها زعلت من رفيجتي عشان انصحتي بطريقة ما احبها زعلت بس قلبي عليهاابيض و دقت و تعاتبنا بضحك بعد""""هذا الي اقصده
و ترا ياما الزعل خرب علاقات عمرها سنين فالموضوع كله ان الانسان لازم يسامح و يغفر الزلات محد كامل يامناف ولو يذكر الواحد ان ما يبقا منه الاالذكرا الطيبه ما راح يزعل احد من احد ابد وبالمقابل في ناس البعد عنهم غنيمة
atooosha
هايات
:))
اكيد انا دايما اقول لوما الملح والسكر كان ما للحياة طعم
وايد حبيت هالجمله
لمس الغلا من الغير
واهم شي انج تراضيتي مع رفيجتج
وبيني وبينج ساعات الربع
يضايقونه اكثر من الغرب
:))
وهم البعد عنهم غنيمه
بس مو بكل وقت
I can never forgive ! Nor forget !
Cat
افا ليش
:))
ما هكذا الظن بك
Post a Comment