كلنا عندنا تجارب بالحياة
بما ان الحياة كلها تجارب
هذا الكلام صح
لكن ما اقدر اعمم تجربتي على غيري
مهم اني اعطي راي لصديق في حال اذا احتاج لرايي
لكن مهم اكثر اني اساعده في انه يتخذ قراره بنفسه
احيانا تكون في بعض العلاقات امور
ما يفهمها الا اصحاب التجربه
اقصد الطرفين نفسهم
لاحظت كثير من الناس
تلجأ للمقربين منهم في حل مشاكلهم الخاصه
مصيبه اذا صار مصيرنا بأيد غيرنا
خلونا نكون احنا
..
:والمصيبه الاكبر اذا كانت اراء المقربين بهالطريقه
احقرها .. راح ترد
خل يشك فيج عشان يحترق
شتبي فيها خل تولي
خلّج معاي وانا اييب لج اللي احسن منّه
!!
اللي بقوله انه في اشياء في العلاقه ما يفهمها الا اصحاب العلاقه
اي طرف بيتدخل بينهم
راح يعمي الدنيا
فهمواا
!!
26 comments:
ما يحك ظهيرك الا ظفيرك
أنا اٌقول على قولة المثل السويدي كل شخص قهوته من كيسه
لذلك كلامك صحيح 100% بالنسبة للمشاعر
صح السانك
و الحمد لله على السلامه
شلون السفره عسى استانست؟؟
بالنسبه للموضوع
في ناس تنطر اي شي عشان تعايرك
حتى لو كان الامر مو بيدك و انفرض عليك فرض
بس الحمد لله على كل حال
:)
امم و منكم نستفيد :)
حمدلله علي السلامة :)))
انشاءالله غيرت جو وارتحت
اما بالنسبة للبوست صراحة مناف تري عمر مصيرنا ما يكون إبإيد أحد إلا للي خلقنا............
ولآ لو مصيرنا إبإيد بني آدم جان إنفنت الدنيا من زمااااااااااان
صح كلامك ان الأشخاص المقربين لنا خصوصا الي ناخذ رايهم في أمورنا الشخصية لها تأثير علينا بس بالنهاية الي إحنا نبيه راح انسويه
وإذا الطرف الثاني شاريك أكيد راح يغفرلك ويسامحك ويعطيك فرصة ثانية
بس المهم انك تستغل هالفرصة واتحاول اتنسيها غلطتك .......
ملاحظه:بس عاد مو تنسي حبايبك وربعك
وتقعد إتجابلها علبوا تبي إتنسيهااا
:)))))
سندس
ما انكر انه تجارب الغير ومواقفهم بالحياة ممكن تفيدنا
يعني ما فيها شي لو طلبت راي او انه احد يشور علي
المهم اعرف شلون اسأل ومنو اسأل بالضبط
اما مسالة الخصوصيه اعتقد هالشي محفوظ وكل انسان يعرف يهتم بخصوصياته ومثل ما قلت لو ابي اعرف شي راح اسال سؤال عام واشمل من دون لا انشر خصوصياتي
انا مو زعلانه عليك انا كنت اتغشمر
ما اتجرأ وازعل على اخوي
:)
اصلا ما نستغني عن الانيق ذو بريق لا يقاوم في @@عينيه
:))
ممكن يكون الطرف الثالث أداة لتفريغ الشحنات السلبيه حتى لا تحرق حبيبك
لا أكثر
اعشق من يسمعني ولا يصدر أحكام
عمري ما شكيت لأحد حتى آخذ بالراي
لأن مثل ما حضرتك تفضلت
محد يفهم شاللي يصير بين اثنين الا اصحاب العلاقه بأنفسهم
ايه ايه
طفيه بالطوفه وباجر اييج اللي احسن وازين منه
من قال اني ابي غيره؟؟؟
كل واحد حسبته تختلف
اهم لما يقولون هالحجي ما يقصدون مضرتك
بس وبكل بساطه حسبتهم تختلف
:)
خوش موضوع
لمن ندخل الناس بينا بيخترب كل شي فوق وحدر
مشكله بعض من الناس انهم مايفكرون بكلام الغير الا على انه نصيحه لهم وانهم مايبيون يضرونهم
المفروض مايمشون على كلام غيرهم لان محد يعرف مشكله الانسان ويقدر يحلها الا الانسان نفسه
because you know both very well
you know ur self and the person u have a problem too while other may not
The problem is the person who i care about just disappeared with out any notice,and nothing happened between me and him...
i wish he could contact me....
yemken hathee wa7da men al omoor ellee alwa7ed yet2athar feeha lama yesma3 kalam alnas bedoon ma yewathe7 hashay 7aq alshakh9
alma3nee.
Miss PoLo....
انزين فهمنا لا تزف
:p
kila ma6goog
عز الله انك صاج
:))
Mishari
الحمدلله على السلامه يا بو جود
:))
والله انك اصلي
يايب امثله من السويد بعد هااا
واحشني يالصديق
darkness
الله يسلمج
لا السفره كووول
واهم شي انها بدون اليهال
:))
..
اي مو هذي المشكله
ان اللي يفضحونج اهم ناس
اغلى من عيونج
الخيلاء
حاضريين
:))
وبلاش بعد
سندس
الله يسلمج
اي الحمدلله كنت محتاج لهالسفره
:))
..
ونعم بالله
طبعا مصيرنا بايده سبحانه
بس انا اقصد ساعات نلجأ لناس لمجرد انه نبي نفضفض بدون لا نراعي مدى خصوصية الاشياء اللي قاعدين نتكلم فيها واللي ممكن تعود لنا بأذى اكبر
طبعا هذا ما يمنع انه يكون عندنا اصدقاء
ونلجأ لهم
اصلا هذا وقتهم
بس من كثر ما تكررت حالات علينا صار لازم نتعلم نخش اشياء بقلبنا
مو كل شي لازم نقوله على اولنا
طبعا هذي العاده تكثر عند البنات
وبمجرد نشوب اي خلاف بينهم تلاقين كل شي يبدا يظهر وللكل بعد\
\
بس هذي السالفه
..
magnoonah
بالضبط
والله انج قلتي اللي بخاطري اقوله
بس ساعات الناس طايحين على الحقنه
يعني لو تسألين بشكل عام
راح بنسبونه لج
:))
..
عندي حكمه انا مسويها
اقول
اللي يزعل مني
اكيد يحبني وايد
:))
Q8DOLL
طبعا للمره المليون بقول لج
انج تملكين احلى مدونه بالعالم
..
اذا تفريغ الشحنات
فلا باس
:))
بس محد فاضي يسمع هالايام
كل شي تغيير
على قولة رويشد
تغير كل شي حتى
صحابي ماهم اصحابي
ولا انتا يا زمن انتا
ولا الاحباب احبابي
نسوني
قفولو بابي
ولا ذكرو صفا ساعات
..
انا مقدر اقول الا
سلام الله على ما فات
:))
الزين
ما تبين غيره .. اكيييد
!!
:))
بيني وبينج ساعات اللي نحبهم يصيرون ملّق
يعني يبيلهم قرصه شويه
والا شرايج
Shaima'a Alkandari
عدل يالشيم
:))
عدي معاي كم بيت اليوم اخترب بسبة الناس
Free_Moi
شفتي اللي قصدته
مو مشكله عندي اسمع من الكل
بس بالنهايه اسوي اللي يرضيني
ويرضي شريك عمري
..
طاب يومج
Miss PoLo
اختفاء الناس المفاجأ هالايام صار امر اعتيادي
هذا خارج الموضوع
يمكن راح اكتب عن الموضوع اللي نبهتيني عليه
..
بس اقدر اجاوب على جزء الحين
احيانا احنا نتصرف تصرفات تخلي الناس تنفر منه
بدون ما نقصد
Anonymous
:))
حاضر
صح لسانك
أحسنت يا مناف
صادق
كل إلي قلته يصير يوميا
ومنو الخاسر؟
أصحاب العلاقة
وإلي تدخلو أول ناس يشيلون إيدهم
للأسف حيييل للأسف
عشان جذيه آنا دايما أقول
إلي عنده مشكله يلجأ لمختص
ومن برة نطاق العائلة
عشان ما يكون في تحيز
أو ظلم للطرف الآخر
ديروا بالكم
محد بيخسر غير أصحاب العلاقة
وعقبها بيتحسفون
بس شعقبه؟
ليه فات الفوت ما ينفع الصوت
Almas
:))
والله هم فكرة مختص عجبتني
ليش لأ
اذا كان بيحافظ على استمرارية العلاقه
واهم شي انه بعيد عن الاسره
الا اذا كان فيه انسان عاقل وحكيم بينهم
وجودج يفرحني
:))
Post a Comment