هذا الموضوع كنت ابي اكتبه من زمان
بس مادري ليش أجلته
عموما اعتقد يه وقته
..
في شارع من الشوارع
التقت سيارتين
سياره كان فيها واحد
والثانيه فيها وحده
..
هذا الشارع يتسع لسيارتين بس
وبأتجاه معاكس
للي ياي من الشمال
واللي ياي من الجنوب
..
الريّال نزّل جامة السياره
وصرخ على البنيّه بصوت عالي
حصاااااااااااان
..
ردّت عليه بنفس الوقت
يا حيوان .. حصانه امك
..
النتيجه كانت
.
.
.
14 comments:
NOOOOOOOOOO!!!!!!!!!!!!!!!!!!!!!
9ej elqesah????????????????????
القصه وايد حلوة عجبتني وايد :)
شالقصه بااايخه
عدنان
مافهمت
شنو تبي توصله؟
كندرية
الصوره تخرع .. اكره الحيوانات وأخاف منها موووت .. الله لايموتنا هالموته بموت قبل مايوصل الخيل
اي لو الواحد ما يفسر الكلمة ١٦ معنى وايد زين
دلة
لأ طبعا
:))
..
بس شوفي ابعد من اللي قريتيه
malak
لأنح فهمتيها
:))
اكيد عرفتي المغزى منها
عدنان
اكيد ما فهمتها
!!
اقراها مره ثانيه
انشالله يوضح القصد
:)
بعدين لا تقول عن قصصي بايخه
كندرية
انتي الوحيده اللي راح اجاوبج
بس عسى لج خلق تسمعين
..
شوفي يالشيخه
ابي نتفق انا معاج الحين
ان الأرض بدون ناس .. ما تنداس
ماشي
..
اساس الوجود البشري يعتمد على فئتين
ذكر \ انثى
كل واحد منهم مكمل للثاني
..
على الرغم من اختلاف الجينات بينهم والهرمونات وخلافه
الا انهم قطبين
سالب وموجب
..
هذا يعني ان عامل الجذب بينهم قوي جدا
..
النظريه الحديثه في العلاقات البشريه للأسف تعتمد على الخبرات السلبيه
..
مثال
الازواج خونه
الرجال انانيين
الشباب لعوبين
الأولاد مشاغبين
اصبح ان الناتج لحّد يتعامل مع الجنس الذكري
لانه جنس قمعي ووحشي
..
والنقيض كذلك
زوجات خائنات
نساء لعوبات
بنات متمردات
واخريات وقحات
اصبح ان الناتج هو كن حذرا بالتعامل
معهن فهن شعله من نار
..
عزيزتي
في بالي كان هالموضوع ولسوء حظي انه ينفهم بأكثر من طريقه
..
ما كنت ابي افسر اللي في خاطري
وتمنيت لو انه ينفهم بالشكل الصحيح
..
خايف اني اتوهج معاي بالتفسير لكن
كلي امل اني انجح بتوصيل المعلومه لج
..
اعرف بنات عن 10 رياييل
يتحملون اللي ما يتحمله بشر
شايلين بيوتهم على روسهم
اهم اللي ينظفون واهم اللي يرتبون واهم اللي يدرسون واهم اللي يشترون اغراض الجمعيه واهم اللي يشيلون الجياس واهم اللي يركبون الغاز واهم اللي يدقون على الادوات الصحيه ويجابلون العمال ويدفعون الحساب
!!
ورياييلهم عباره عن مكاين تفريخ فقط لا غير
..
واعرف حالات الريال اهو اللي يخدم مرته وامه واهل مرته وخوات مرته واهو اللي يشتغل ويتعب ويعطي ويشيل ويحط ويسوي ومستغل اخر استغلال ما بقى سايق ما صار حمالي مخلص معاملات والمره بس كل اللي عليها تسوي ييب وعط وشيل وحط
لا ومو عاجبها بعد
شرايج
..
هالتجارب تتكرر في اغلب الاسر ترى
بس هل اقدر اعممها على الكل
يعني اقدر اشوف كل الحريم استغلاليات او كل الرياييل عديمين فايده
..
الحياه محتاجه لمرونه
لا نبسط ايدنا كل البسط
ولا نغلها لأعناقنا
..
مهم وايد انه نفهم الناس
وان لا نحكم عليهم قبل لا نعرف دوافعهم
..
ممكن في يوم من الايام انتي تقولين كلمه واسيء فهمها
مع انج ما تقصدين الاساءه
كان تنبيه لشي
هل اللي لازم اسويه اني ارد عليج رد قاسي لمجرد اني رجل وعندي القدره على الزئير
..
ولو حصل العكس
وانا اللي اسيء فهمي
هل عشان تبينين لي انج مو مستضعفه
ولا قاروره تقومين تنسلخين عن انوثتج وتردحين وتتفوهين بألفاض ما تلوق فيج
كبنت !! ويصفقون لج البنات كفو عليج وقفتيه عند حده
اهني البطوله
!!
..
اسم الموضوع كان حسن الظن
اعتقد انه شي نفتقده بوقتنا الحالي
..
وسامحيني على الاطاله
بس هالكلام كان لازم اقوله
عشان تستفيدين منه
ويستفيدون اللي قاعدين يقرونه
وانا
..
:))
محـــــارة
معلش سامحيني على الصوره
بس كان لازم توصل الفكره
:))
لج طولت العمر
Noura
اختصرتي علي الكلام
يزاج الله خير
:))
بس الغريب ان كل الكومنتات من غير يوزرات
!!
هل الموضوع لهالدرجه ساخن
ايي لأنه نعاني من فقرت هالموضوع
"حسن الظن
"
:P
أو مثل ما قلت نفتقده في وقتنا
ماقول الكل شين بس شي ملحوظ بشكل كبير
و مادري شنو اليوزرات انا و التكنولوجيا مش اصدقاء
عالبركة
:)
Noura
:))
عادي تحصل في احسن العائلات
He He
..
dont care dear
its ok :D
Post a Comment