انا الشعر
وهامتي مطلع قصيد
وانا اللسان اللي يجيد
يطوّع الحرف العنيد
..
انا الشعر
انا الشموخ بعزّتي
وانا الرضوخ بطيبتي
وانا اللي كاتب قصتي
على صفايح من حديد
..
انا الرضى وانا الزعل
وانا الصعب وانا السهل
وانا لكل منوه أمل
حتى ولو اني بعيد
..
محّد على بعادي صبر
سألو اللي حاول
ما قدر
دوّر له كم حل وعذر
حتى ارد له من جديد
..
:)
ترى ما خلصت القصيده
كانت مجرد شخبطه كتبتها بالدوام
ولأني اعاني من افلاس فكري
قلت انزلها
..
على ظهر الورقه كتبت حوار بيني وبين قاضي يتهمني بتقبيل حبيبتي
القاضي: انت متهم بتقبيل المغدور بها
انا : نعم فعلت
القاضي : لماذا
انا : دفاع عن النفس
ضحك الحضور
القاضي : سكووووت .. سكووت .. لو سمحت هذي محكمه مو مكان للتهريج .. جاوب على قد السؤال .. لماذا ذبحت المغدور بها بالتهجم على شفاتها واستخدام احلى طريقه لذيذه ممكن تتعرض لها البشريه بالموت السريع .. جاوب؟
انا : حلجها يشوّق
القاضي : يعني تعترف
انا : اوووففف
القاضي : ممكن تمثل لنا الجريمه
انا : حضرة القاضي .. عن الشطانه .. يووز
:*
18 comments:
الأغنيه الاهداء
احبها
اهي من الحان الحبيب على قلبي
ماجد المخيني
والاغنيه لها ذكرى حلوه
قبل لا احد يعذرب ويقول شفيه ذوقي اخترب
:))
الاغنيه ترقص
عيشوووووو
الله شهالشعر الخطييير
مو غريب عليك : )
.
.
أما المحكمة
والله القااضي عيااار لوووووووول
عجبته الساالفة شكله لوول
مبدع يا منااف : )
انحراف
القصيده مو طبيعيه
شنو هذا
انت الابداع .. والابداع انت
:)
ومن ناحية القاضي والمغدور بها
هذي الشطانه بعينها
شسالفه الكل منحرف
;ppp
شنو هالاهداء
؟؟
لووول
;pp
هلا مناف
الشعر عجبني جداً
بس الحديد وصفايح فيهم شوية رقة ..
* 8 *
أما سالفة المحكمة
شطانة من قلب
مب سهل القاضي
* 8 *
الإفلاس الفكري صرنا كلنا نعاني منه
ليش ما أدري
شكرا لك .. بوست رائع
عاد صج شفايفها تشوق ؟
هذا المهم بالموضوع
وعلى طاري الشعر
انت الشعر من زمان
:)
مساالورد لاحلا ورود الدنيا
الشطانه ساعات
يستعذها الشخص
من فترة لين الثانيه
بس ياحلاتها لمن تكون
مغلفه
بحلاوه
تعيش وتحيا
ابدا
:**
..
انا الشعر
انا الشموخ بعزّتي
وانا الرضوخ بطيبتي
وانا اللي كاتب قصتي
على صفايح من حديد
مبدع يا مناف
صح لسانك
واذا القاضي جذي
المتهم ما ينلام عيل :P
لووول القصه تحفه والقاضي اتحف
القصيده حلوه تصلح تشارك بشاعر المليون
SHAHAD
تسلمين يالغاليه
:))
..
القاضي طلع اخس مني شكله
ma6goog
انا طالب صغير بمدرستك يالشيخ
:))
why me
هذا يعني ما كملتها بعد
بس كافيه .. احس معبره
..
خلينا نعبر براحتنا
لا تخافين من اللي يتكلم
خافي من السكوووتي
..
القاضي
فقير
يبي يثبت الحاله فقط لا غير
بس على منو عاد
انا مناف
:))
..
الاهداء
تمرين خواصر طال عمرج
بنت سيف
هلا هلا
مهما كانت رقة صفايح الحديد
بس كافيه انها تحفظ الذكرى
:))
..
محّد هيّن هالايام
..
اهو مو افلاس فكري
بس شح بالمواضيع
كل شي كتبنا عنه
مو باقي شي
:))
meme
ما يقولون جذي
استحي يا بنيه
:))
..
انا مو بس الشعر
انا الهام الشعراء بعد
:))
فراوله
انا لو ادري انه شطانتي محببه عندكم
جان اخوورها
ترى ابدا ما عندي اي مشكله
:))
كبرياء وردة
صح ابدنج
..
اي والله ما ينلام المتهم
بعدين طالما مو مع سبق الاصرار والترصد
واذا كانت بعفويه
وبصدق نيه
فهذا يعتبر دفاع عن النفس ومشرووع بعد
:))
عفره
وتعليقج احلى من الحلاه نفسه
:))
..
ما فكرت بصراحه اشارك بمسابقات من هالنوع
بعدين عندي تحفظ على اللجنه
مشان هيك
ما بدّي شارك
..
انتو عندي بالدنيا
ودام اشعاري تعجبكم
يكفي
:))
مناااااااااااااااف صح لسسسسسسسسسانك واعتز فيك شااااعر وتفكيرك جدااااا رااقي :)
Post a Comment